السلام عليكم
بالله عليكم الاول اللى يقرأ موضوعى يدعيلى بالذريه الصالحه وان ربنا يفرح قلبى
يا جماعة انا بدات حقن مجهرى اول الشهر دة مع د/ هشام الشاعر وحصلتلى مشاكل صعبة اوى وتعبت جدا
عندى وجع رهيب مكان المبايض لدرجة سعات مبقدرش امشى وسعات اصحى من عز النوم افضل اصرخ لحد مااوصل للحمام
خصوصا قبل وبعد سحب البويضات وبطنى اتنفخت ومشدوده شده بشعه واللى يشوفنى يقول انى حامل
والله تعبت جدا واتبهدلت حقن بالهبل
المهم الدكتور قال مش هينفع يعملى ارجاع للاجنة الشهر دة علشان الحالة الى كنت فيها وان البطانة وحشه جدا
وقالى انة هيتعمل تجميد للاجنة
المشكله اللى مدمرانى ان الاجنة قليله وكمان لو كنت هنقل كنت هنقل اليوم التالت وعرفت ان الفرصه للثبات اقل وجوزى كمان قالى معيش فلوس اكرره تانى اذا ……..يارب لا يارب لا
انا بس كنت عوزة اسالكم حد عمل ارجاع لاجنة مجمدة قبل كدة ونجح معاة
او حتى حد يعرف نسبة نجاح الحقن بالاجنة المجمدة قد اية وخصوصا لو مجمده من اليوم الثالت كمان
mamitaya mamitaya 342323_5.gif فتكات ست الكل Fatakat 342323 مصر – ام الدنيا