السلام عليكم ورحمة الله وبركاته
الحمد لله ده الجزء التانى من موضوعى عن المشي فالبيت مع ليزلى والى اتكلمت فيه عن تجربتى مع المشي بس للاسف مكنتش بعرف اعمل مواضيع ولا انسقها لانى كنت لسه جديده هنا وكمان الفترة الى جربتها كانت قليلة اوى
ده الموضوع الاولانى https://fatakat.univanet.com/#4867688
وان شاء الله فالموضوع ده هعملكو مرجع كامل للمشي فالبيت
عشان يبقي متكامل ومحدش يتلخبط فاى حاجه تانى
نتكلم الاول عن مميزات المشي فالبيت ::
الاول اننا مش محتاجين ننزل نادى او الشارع عشان نمشي ونخس او حتى نحافظ على الى خسيناه او للحفاظ على الصحه العامه
ثانى حاجه انه مش متعب اوى بس تاثيره عالجسم رهيييييييييييييب وعن تجربه عالبطن خصوصا والجزء الاسفل
تالت حاجه انتى مش محتاجه مكان كبير عشان تعمليه يادوب متر على يمينك ومتر على شمالك وقدام متر ونص وورا برضو كده
رابع حاجه ودى الاهم انك لو مش عندك قدرة تشتركى فجيم او تشترى اجهزة زى الاوربتراك او المشايه بسعر غالى وبعدين تكسلي وجوزك او اهلك يقعدو يلومو فيكى عالفلوس الى اتصرفت وما خسيتيش او انك مش عندك مكان اصلا للاجهزة دى زى حالاتى
دى مشاركه مهمه اوى بخصوص الموضوع بتاع انهى بيشد الجسم اكتر لفتوكه ياريت تقروها https://forums.fatakat.com/showpost.p…7&postcount=36
خامس حاجه ودى الاهم عندى انه امن جدا عالركب وخصوصا لاصحاب الوزن التقيل الى انا كنت بعانى منه
[COLOR="rgb(255, 0, 255)"]نتايجه بقي(كفياكى رغي وهاتى من الاخر )
الحمد لله انا اول واحده فاول شهر نزلت 10كيلو ولغايه الان مابطلتش
تانى واحده اختى ودى كانت مقلله الاكل بس وخست 20كيلو ولله الحمد
تالت واحده نجمة الموضوع سوسا برغم انها وزنها قليل 68 الا انها نزلت 6كيلو عالمشي بس برضو بدايت
ودى مشاركتهاhttps://forums.fatakat.com/showpost.p…&postcount=945
رابع واحده ايمى حبيبتى ومشاركتها https://forums.fatakat.com/showpost.p…&postcount=214
والحمد لله لسه مكملين
##بالنسبه للبنات الى بتسال عن ان التمارين دى بتخسس تحت بس انا شايفه انها بتخسس تحت وفوق بس تحت اكتر لان كل الشغل عالرجلين
ودى مشاركه جى جى عالموضوع ده وتجربتها فالمشي عموما https://forums.fatakat.com/showpost.p…&postcount=412
انا من رايي المتواضع ان البنات الى جسمها مليان من فوق اكتر من تحت ممكن تمارسها بس ماتزودش عن 2ميل لان 3ميل فما فوق =التخسيس خصوصا من تحت
كفايه رغي ندخل فالجد
ده الميل الواحد
اذا لم يعمل المقطع فاضغطي هنا
وده ميزته انه هادى
وده ميل برضو بس سريع شويه
اذا لم يعمل المقطع فاضغطي هنا
نيجى بقي لل 2ميل
ده رائع للمبتدئين برضو
اذا لم يعمل المقطع فاضغطي هنا
وده اسرع شويه
اذا لم يعمل المقطع فاضغطي هنا
هتلاقيها لابسه حزام تقيل ماتشغليش بالك بيه لانى جربت وعملت حزام زيه ومليته رمله وعملت بيه
ماعملش حاجه اوى انتى اعملى الفيديو كنوع من التغيير
وال 3ميل:بس زى ما قولتلكو ده التخسيس بجد انا جبتلكو كل الفيديوهات عشان لو تحبو تغيرو كل يوم وماتزهقوش
ده الهادى للمبتدئين
اذا لم يعمل المقطع فاضغطي هنا
وده السريع وكمان لتعلية الحرق
اذا لم يعمل المقطع فاضغطي هنا
وده لحرق الدهون
اذا لم يعمل المقطع فاضغطي هنا
هتلاقيها لابسه اثقال فاليد مش مشكله اعملى الحركه زى مابتعملها ومش مهم التقل
وده للبطن والدراعات
اذا لم يعمل المقطع فاضغطي هنا
هيا مستعمله حزام فيه طرفين استك انا اخترعته برضو وعملته بمترين استك ناشف شويه عشان يعمل مقاومه
وده فيه شويه حركات بلاتيز للبطن والرجلين
اذا لم يعمل المقطع فاضغطي هنا
وده للتخسيس برضو بس سريع وبيحرق جامد
اذا لم يعمل المقطع فاضغطي هنا
ده بقي لذيذ ودمه خفيف وكله تنطيط
اذا لم يعمل المقطع فاضغطي هنا
ده المفاجاه بقي والله احلى من الزومبا وبنفس تكنيكها
اذا لم يعمل المقطع فاضغطي هنا
نيجى بقي لل4 ميل
ده برضو سريع
اذا لم يعمل المقطع فاضغطي هنا
وده لتدريب الجزء الاعلى من الجسم بطريقه البوكس
اذا لم يعمل المقطع فاضغطي هنا
ده بقي زى الزومبا برضو
اذا لم يعمل المقطع فاضغطي هنا
ده الاول
اذا لم يعمل المقطع فاضغطي هنا
الى مقصوص منه الفيديوهات الصغيرة وللاسف كل الى هنا بيعملوها متفرقه وده مش صح يعنى عايزة تعملى ميل اعملى بس لما تعوزى تعملى 2ميل ماتشغليش فيديوهين ورا بعض وتقولى عملت لالالا غلط لانها فاخر التمرين المفروض بيبقي فى كول داون او تهدئه بالعربي
وده مش موجود فالفيديوهات المقصوصه الا اذا انتى كنتى خبيرة وتعملى كول داون 3دقايق واسترتشنج دقيقتين كمان
وده التانى
اذا لم يعمل المقطع فاضغطي هنا
سؤال مهم بقي هتعملى ازاى وهاتعملى اد ايه وامتى؟؟؟؟؟
الاول هانعمل لنفسنا جدول
الاسبوع الاول نعمل 1ميل 6ايام فالاسبوع واليوم السابع اجازة
بعد كده هنزود بس بالتبادل ازاى؟؟؟؟ نعمل 1ميل فيوم واليوم التانى 2ميل لفترة ممكن اسبوع او اتنين او حتى تلاته لغايه ماتحسي ان لياقتك عليت شويه نعمل ال2ميل بس يوميا برضو لفترة ممكن لحد شهر وبعدين نزود وندخل ال3ميل برضو بالتبادل وهكذا
طيب والاطفال الصغننين الحلوين الى بيضايقو ماما وهيا بتعمل التمارين ؟؟؟؟؟؟
ماتقلقوش ادى ميل الست ليزلى عاملاه للاطفال وانا رفعته عاليوتيوب على جزئين
ده الجزء الاول
اذا لم يعمل المقطع فاضغطي هنا
وده التانى
اذا لم يعمل المقطع فاضغطي هنا
خلاص كده انا خلصت مفيش بس غير ملاحظتين تلاته اربعه
1:بالنسبه للبنات الى مش بيعرفو انجليش وده مش عيب طبعا بس لما تلاقيها بتشاور على بطنها يبقي تشفطى بطنك وانتى بتعملى الحركه عشان عضلات الحوض والبطن والضهر ترتبط ببعض وتشتغل كويس
اما لو شاورت على دراعها من فوق فهيا بتوريكى الوقفه السليمه بحيث ماتكونيش منحنيه وانتى بترفعى الركبه مثلا
2:الطمع يقل ما جمع ايوة انتى لو عملتى اول ميل ويسلام لقيتيه سهل تروحى داخله جرى على ال3 ميل وال4 اولا جسمك هيوجعك جدا والجزء الى تحت هتلاقيه مخاصمك وماشي فحتة لوحدهاو الاسوا انك مش هتخسي اصلا حتى لو لعبتى المشي ده عالحبل
لان جسمك هيكون خط دفاع ويرفض يتحرك عالميزان عشان كده بناخودها بالتدريج والمبادله ونقعد نحايل فجسمنا ونضحك عليه
3:بالنسبه لشرب الميه: اشربي كويس قبل ماتبتدى وخلى الازازة جنبك مفتوحه على ترابيزه قرب ايدك وكل ماتحسي بالعطش تاخدى شويه بسرعه يادوب تبلي ريقك عشان لو شربتى كتير مش هتعرفي تشفطى بطنك فالتمرين
4: ايام العذر ممكن تاخدى اول يوم اجازة او تعملى بس بالهداوة يعنى بلاش يكون عندك ضمير اوى يومها وعن تجربه انا بعملها اول يوم بتشيل الوجع وتخلى نزولها طبيعى
واخيرا انا اسفه انى طولت عليكو واشهد امام الله ان كل ده واقع خبرتى مع ليزلي الى غيرت حياتى
واى سؤال انا تحت امركو انا لابزهق ولا بتعب بس النت عندى رخم اكتبيلي سؤالك وانا اول ماادخل هرد عليكى وانا مش بيعدى يوم غير ماادخل فتكاااااات حياتى
اوعو تنسو التقييم لاحسن اقوم اعضكو كلكو
والدعوة بالزوج الى يسر قلب وخاطر اختكو رحاب الى هيا انا
فى امان الله[/color]
عود ريحان.. عود ريحان.. 1016549_2.gif فتكات رائعة Fatakat 1016549 بين الهرم والعريش حبيبتى – مصر حبيبتي