ازيكو يا احلى فتوكات
الوصفه دي لنجلاء الشرشابي وعملتها بجد سريعه مش بتاخد وقت خالص وطعمها جميل واهو تجديد كمان
*المقادير*
كوسه مقطعه مكعبات
قطعه صدور فراخ فيليه مكعبات
طماطم
قرن فلفل فصين توم بصله
وبس كده مكوناتها بسيطه خالص والطريقه سهله قوي
*الطريقه*
اول حاجه هنضرب الطماطم فى الخلاط ومعاها الفلفل وفصين التوم(هى بعد ما ضربت الطماطم قطعت الفلفل مكعبات بس انا ضربته مع الطماطم)
نبشره البصله ونشوحها على النار تشويحه
وبعدين نضيف صدور الفراخ ونفضل نقلبها لغايه ما تستوي
ودا بعد ما استوت
نضيف عصير الطماطم والكوسه ونغطيها لحد ما الكوسه تستوي والصلصه تتسبك
ودا بعد ما خلصت اخدت حوالى ربع ساعه
اتفضلو معانا
وقدمت معاها رز ابيض وسلطه
وبجد كان طعمها جميل قوي وسهله وسريعه جدااااا
وعملتها بالبطاطس بعد كده بس ما سوتش الفراخ سبتها تستوي مع البطاطس عشان البطاطس بتاخد وقت فى السوي وكانت جميله قوي
فى حفظ الله ورعايته
مواضيع هذا القسم برعاية
روهاا روهاا 93648_1.gif شيف فتكات Fatakat 93648 المدينه المنوره – السعوديه
سبحان الله و بحمده