السلام عليكم ورحمة الله وبركاته
مشكلة ابنى الاحبال الصوتية
يارب حد يفيدنى ويريح قلبى
عنده دلوقتى 4 سنوات ونصف عنده حاجة بيسميها الدكاترة بالبلدى كده رجل البطة
عمرى ما كنت اعرف قبل كده شكل الاحبال الصوتية
انها عباره عن حبلين فقط شكلهم بالضبط زى رقم سبعة لما تعملية بصوابعك والفتحة اللى بينهم دى اللى بتسمح بمرور الهواء من واللى القصبة الهوائية ومسئولة عن نبرة الكلام
ابنى بقى
عنده فتحة صغيرة والباقى غشاء زى رجل البطة تمام
عاملة له بحة فى الصوت ظاهرة بس احنا اتعودنا عليها طبعا
الحمد لله لغاية دلوقتى مفيش مشاكل فى النفس يش وارد لما يكبر ويكون محتاج اكبر قدر من الاكسجين
المشكلة انى محتارة محتاج عملية بالليزر وفعلا حجزت له فى مستشفى التأمين بمدينة مصر
ويوم العملية الدكتور قالى للاسف الجهاز عطلان ده كان قبل رمضان بيوم
ومن يومها وانا بتصل بالدكتور اطمن على الجهاز رجع من المانيا ولا لسه
بس انا قلقانة من المستشفى التأمينى جدا
المستشفى الخاص محتاجة 15000 جنية وكتير قالوا هنا ولا هناك العملية بتتعمل عادى وبدون مشاكل هى فلوس على الفاضى وزوجى مقتنع بكده
ارجو اى فتوكة سمعت اوعارفة عن حالة ابنى او عن ظروف المستشفى تقولى
ولو فى اى اقتراح انا قلقانة اوى لان ممكن الجهاز يرجع قريب
أسفة على الاطاله
منتظرة منكم الرد بارك الله فيكم
Nana 10 Nana 10 فتكات نشيطة Fatakat 560850 هنا – على كوكب الارض
سبحان الله و بحمده