انا قربت امل من اكل الريجيم المسلوق والتونة والحجات دى فقولت اخترع بقى حاجة من غير سمنة وتكون حلوة ففتحت التلاجة كدة لقيت قدامى ما شاء الله كلها حجات شوربة خضار علشان الدايت فقولت اعمل حاجة جديدة انا عارفة انكوا زهقتوا وكمان شوية هتيجوا تضربونى اوك نخش ع المقادير
المقادير
1- كوسة
2-جزر
3- بسلة
4- بصلة متوسطة
5- فلفلتين
6- توم مدقوق وكسبرة ناشفة
7-هو مكتوب علية فرانكفورتر معرفش بقى هو السوسيس ولا لا بس الراجل ادهولى وقالى دة سوسيس
8- كاتشب
الطريقة
سلقت الفرانكفورتر دة فى ماية عادى وسلقت كمان الخضار فى ماية عادى وقطعت البصل حلقات كدة صغننة والفلفل كذالك والطماطم وجبت طاسة وحطيت فيها معلق زيت بس وحطيت البصل اتحمر شوية وبعد ما بقى لونة ذهبى كدا حطيت التوم شوية وبعدين حطيت الفلفل بعد لما اتحمر شوية حطيت الطماطم وحطيت معلقة كاتشب كبيرة وسبتهم لحد ما بقى لونة احمر اوى وبعدين قطعت الفرانكفورتر وحطيتة معاهم وبعدين حطيت الخضار وقلبت شوية كدا لحد ما بقى كلة لونة احمد كدا ورحتة تحفة وبعدين بقى حطتها وعجبت كل اللى فى البيت ومحدش حس انها دايت خالص وكمان عملت جنبها رز مسلوق وكمان سلطة كانت اكلة تجنن
جربوها بقى وادعولى وقولولى رايكوا
كان نفسى انزلكوا الصور بس فى مشكلة فى الموب بتاعى
انا اول مرة اكتب هنا والنبى متكسفونى وقيموا على الموضوع واعملولى تعليقات والنبى ههههههههه
مواضيع هذا القسم برعاية
مملكة الحب المفقودة مملكة الحب المفقودة 308576_1.gif فتكات هايلة Fatakat 308576 القاهرة – مصر