بسم الله الرحمن الرحيم
وحشتونى من شهر وأنا بعيدة عنكم يارب تكونوا بخير وسعادة
انا فتوكة كنت متأخرة فى الحمل سنة ونصف وطبعاً بعد جوازى بثلاث أشهر روحت أطمن على نفسى ياترى فى سبب مانع الحمل ولإنى كنت موسوسة جداً والحمد لله
الدكتوره طمنيتنى وقالت لية انتى كويسة جداً بس عندك لبن فى الثدى وأخد برشام لتنشيف اللبن ومرت الأيام ومفيش حمل
جوزى قال لى دة فى دكتور حلو قوى ومشهور تعالى نروح لى يمكن ربنا يكرمنا والدكتور قال الحمد لله إنى كويسة وطلب من الزوج تحليل
والحمد لله زوحى تحليلة كويس والدكتور أعطانى منشطات جمدة جداً لدرجة ان الطمث جالى فى ميعادة وبعد 10 أيام جالى تانى ومن يوميها قررت إنى أفوض
أمرى لله وبقى عندى يقين إن الحمل دة رزق من عند لله ولما دورى يجى فى الرزق هيحصل حمل من غير أسباب وبعد الحكاية دى مر 8أشهر
زوجى قال لية إحنا هنستانة كدة ومش هنعمل حاجة تعالى إكشفى ونشوف **فرحت لدكتورة فقالت لى إعملى تحليل هرمونات ولو كويس يبقى صبغة فتوكلنا على الله
وعملت التحليل وكان كويس جداً الا هرمون اللبن عالى وكتبت لية علاج عشان يظبت هرمون اللبن عندى وقالتلية بعد كدة لو محصلش حمل نعمل الصبغة
فلما جيت من عند الدكتورة قلت لزوجى بلاش تجيب العلاج يمكن ربنا يكرمنا الشهر دة ويحصل حمل وكان عندى إحساس عالى جداً انى حامل وعشان كدة مكنتش رضية
أخد العلاج فزوجى قال لى إحنا لسة هنستنا نتوكل على الله وتخدى العلاج وبالفعل أخد العلاج وبعد مرور 3أسابيع إكتشفت إنى حامل
وعلى حساب الدكتورة للحمل إن كان فى حمل قبل ماأخد العلاج يعنى إحساسى كان صحيح وحصل حمل وهرمون اللبن عالى وربنا أثبت لية بالتجربة إن فعلآ الحمل رزق
من الله زى الصحه والعلم والذكاء كلة نصيب ومكتوب من الله
والدكتورة قالت لية متقلقيش العلاج الى أخدى منة مش هيضر الجنين فى أى شئ وسألت دكتورة تانية وقالت لية مفيش ضرر إن شاء الله من العلاج دة على الجنين
دى حكايتى مع هرمون اللبن وعقبال كل فتوكة يارب تحمل وتجرب إحساس الأمومة نصيحة منى فوضى أمرك لله ومتتعلقيش بالاسباب زيادة عن اللزوم
وأخر حاجة عيزاها منكم ((لاتنسونى بالدعاء)) وجزاكم الله الجنه أنتم وكل الأحبة***
والسلام عليكم ورحمه الله وبركاته
رحيق الزهور b رحيق الزهور b 400602_17.gif فتكات نشيطة Fatakat 400602 دمياط – القاهرة