الى فتوكات دمياط …………تحية طيبة وبعد
مش عارفة ليه بلدنا دمياط غاليييييييييييييية أوى والأسعارعندنا مولعة نار ……بصراحة اما بنزل إسكندرية أو القاهرة بصدم وبعرف ان احنا بنتسرق عينى عينك
بصوا يا قمرات
اشتريت مرة طقم خروج من محل فى الصفوة بدون ذكر أسماء ب 300 جنيه ودى طبعاً بعد الخصم …..لقيته بالضبط فى الاسماعيلية ب 150 جنيه كنت هتشل حسبى الله ونعم الوكيل وحلفت مش هشترى حاجة من المحل ده تانى
كنت شارية لانجيرى من بورسعيد من التجارى ب 25 جنيه لقيته فى محل لانجيرى فى الصفوة فى الدور الأرضى بدون ذكر أسماء ب90 جنيه
اشتريت من اسكندرية شنطة ب 69 جنيه لقيت اختها فى محل فى دمياط بس البنى بتاعتها ب 165 جنيه
شفت بلوزة فى محل هدوم فى دمياط لقيت أختها فى محل فى سيتى سنتر أقل ب 60 جنيه يعنى مش مكان شعبى دى من مول وبردو السعر أقل اشتريت تونك من توكيل ب170 جنيه لقيت واحدة قريبتى من القاهرة بتقولى بنتها شارية زيه من نفس التوكيل بس ب 120 جنيه
انا مش راضية أقول أسماء المحلات بس بجد حسبى الله ونعم الوكيل فى تجار دمياط اللى بيضاعفوا الأسعار
يا ريت يا فتوكات دمياط نتشارك واللى تلاقى حاجة فى محل فى دمياط يكون سعرها كويس نتشارك وتقولنا على المكان واسم المحل أهو نساعد بعض ونستفيد
شكراً يا قمرات
أوسة حبيب قلب ماما أوسة حبيب قلب ماما images/avatars/whiteflower.jpg فتكات نشيطة Fatakat 247047 دمياط – مصر