امبارح بالليل وانا سهرانه معاكم
حسيت ايه
ال ايه جعانه
وانا بصراحه الاحساس ده مبقاش بفارقني كتير اليومين دول اصلي برضع
( اه اه اتلككي بقى )
المهم قومت اكروت في المطبخ ابوص هنا وابوص هناك
كيس المكرونه قعد يغمزلي ويبوصلي بصات كده وانا ما أقوللكوش
احاسيسي مرهفه ورحت ايه اخدته في حضني بس الحكايه ما كنتش طالبه سلق وصلصه وعك بقى على المسى
بعدين فتحت التلاجه لقيت طبق خضار مشكل ( فاصوليا – بسله -جزر – بطاطس ) كنت عاملها على الغدا وطعمها كان ايه
رحت جبت الطاسه واديتها معلقه سمن بلدي معتبر وحمرت فيهم شويه المكرونه على الخضار ما كان سخن قمت حطيت ده على ده وسيبتهم لبعض بقى بس طبعا زودتها شويه شوربه
طب انتم يرضيكم يعني اختكم تاكل اكل قرديحي طب دهي بس بصة كيس المكرونه الي خلته يصعب عليا فتحت التلاجه تاني قوم ايه
لقيت حته كبده صغيره كنت طلعتها من كيس اللحمه بتاع الغدا لانها ما كنتش تنفع تتعمل معاه المهم
مسكت السكينه وهي ياحرام بتصرخ تحت ايدي بس مين الجوع كافر زي ما انتم عارفين
وجبت 3 فصوص ثوم وباقي السمن الي كان في الطاسه مكان تحمير المكرونه اه مهو انا مش عايزه اتخن انا بعمل رجيم اوماااااااااال
وعليه وحمرت التوم وعليه الكبده وعصرت عليه 1/2 ليمونه شوحتها كانت المكرونه استوت وكنتوا انتم وحشتوني
دي المكرونه ولو دققتي هتلاحظي البسله والجزر والباطاطس
ودي الكبده هي الصور غامقه علشان اضاءه الغرفه مش مضبوطه والفلاش بتاع الكاميرا بايز
ودي الصانيه على بعضيها كنت مولعه شمعه عشان اطفي النور واكل على ضوء الشموع اهي حاجه تفتح النفس شويه
وهنا بقى منتدنا حبيبي وانتم كلكم فيه
طبعا الموضوع شبه المكرونه المبكبكه زي ما في ناس بتسميها بس والله طعمهم كان تحفه والشكل انتم بقى احكموا عليه مواضيع هذا القسم برعاية
marwamaroo2017 marwamaroo2017 344523_1.gif فتكات نشيطة Fatakat 344523 القاهره – مصر