صباح الخير يا بنانيت …
انا قلبظت اوى اوى اوى اوى اوى اوى اوى
و لما اقول اوى فأنا فعلا قصدى اوى
انا عاوزة اعمل دايت فى الصيف ده
بس لسه مبدأتش و الاستهبال مازال مستمرا حتى الأن
المهم انا همشى على برنامج رياضى فى جيم
عبارة عن كل يوم 3 ساعات فى الجيم لمدة من 110 لـ 160 يوم
فا طبعا عشان اروح و اعمل كل ده تعب مش طبيعى طبعا طبعا طبعا
فأنا عاوزة رجيم كويس .. لأن اللى اعرفه مع الرياضة المستمرة لازم اكل كويس
و أعوض جسمى بالمكملات اللى ناقصاه
فأنا عاوزة رجيم حلو كدة " للنباتيين "
عشان انا مش باكل ولا لحمة ولا فراخ ولا سمك ولا سوسيس ولا اى نوع من انواع اللحوم ابدا ممكن اموت فيها يعنى
ولا بشرب لبن بالمناسبة … ممكن اكل بيض كل شهر شهرين تلاتة
المهم عاوزة دايت كويس …
انا عاملة لنفسي ميزانية انى هجيب من السوبر ماركت المعلبات للسلطة و الخضار
زى الذرة و الفول و الفاصوليا و الحوارات دى
هل ده حاجة كويسة ؟؟
و عاوزة اعرف ابطل ايه و اكل ايه .. لأن ريجيم النباتيين بيبقى محتاج اكل يعوض و فى نفس الوقت اكل ميتخنش
و هل لازم ابطل البيبسى " الدايت " ؟؟؟؟
طبيعى هبطل الشاى و النسكافيه عشان محطش فيهم سكر كتير لأنى مش عارفة اتعود على سكر الدايت بيعمل طعم رخم اوى
ياريت لو تعرفوا نوع سكر دايت كويس غير اللى هو فى علبة زرقاء مثلثه دى
مقرف جدااااااااااااااااااا
انا سمعت عن نوع اسمه سويتال
يا ترى ده كويس ؟؟
وهلاقيه فين ؟؟
ManMouna ManMouna 619391_17.gif فتكات رائعة Fatakat 619391 Cairo – Egypt