مساء الورد والفل والياسمين عليكم يافتوكات ياقمرات
انا جايه احكيلكو حكايتى اللى تقطع القلبانا بهزر معاكو
من حوالى 20 يوم كدة قريت موضوع لأخت فاضله فى المدونة عن الاعشاب اللى بتزود الوزن وطبعا مكدبتش خبر وعلى طول رحت نزلت للعطار واشتريت من عنده الاعشاب دى وهى عبارة عن (حلبه مطحونه +فول الصويا +مغات+وحاجات تانيه كتير قاللى عليها العطار)المهم اشتريتها ومشيت عليها لمدة 15 يوم ومحستش بأى حاجه خالص بانت عليا
بس طبعا اللى بان عليا التعب والامساك الشديد ورحت للدكتور وقاللى انتى عندك تلبك معوى
اتكسفت اقوله انى باخد اعشاب لزيادة الوزن
بعد كدة كتبلى على مطهر معوى (فلاجيل) وقاللى امشى عليه لمدة شهر وهاتبقى زى الفل
انا اسفه انى طولت عليكو ورغيييييييييييييييييت كتير بس انا كتبت الموضوع دة علشان اى واحدة زيى متغلطش نفس غلطتى وتجرى تجيب اى حاجه تضر بصحتها
يارب اكون عملت اللى عليا(اللهم قد بلغت اللهم فاشهد)
فى حد بقى فيكو عندو اى وصفه او اى طريقه تزود وزنى بسرعه(مافيش فايدة فيا)
علشان انا خطوبيتى قريب وعايزة اكون قلبوظه كدة
أحلامى الجميله أحلامى الجميله فتكات هايلة Fatakat 443949 القاهرة – مصر