السلام عليكم ورحمة الله وبركاته
ازيكو يا فتوكات انا اول مره اكتب هنا في القسم ده
النهارده كنت في حيرة كل يوم ماما تقولي هنعمل ايه للأكل
وطبعا بقعد افكر واروح اسال اللي في البيت تاكلو ايه لكن بسمع الرساله المسجله
( أي حاجه مش هتفرق – مش عارفين – اللي تعمليه – أو عندنا ايه يتعمل وبعد ما يسمعو يقولو اي حاجه )
فانا لما بغلب بعمل أكلة شقلب واقلب هههههه اللي هيا مكرونه وعليها سوسيس اكله سهله وسريعه وكله بيحبها
بسم الله
طبعا هنحتاج :
– مكرونه
– سوسيس
– بصله حلوه كده على حسب الكميه
– طماطم وفلفل متقطعين مكعبات
– 3 فصوص توم
– معلقتين صلصه
اسيبكو مع الصور عشان رغيت كتييير
هنشوح السوسيس في شوية زيت ونشيلهم على جنب
وبعدين في باقي الزيت نحط البصل لما يدبل نحط الطماطم والفلفل لحد ما كله يتدبل شويه
ننزل بالسوسيس تاني ونقلب كله مع بعضه
نيجي بقى في حاجه تانيه هنحط التوم يصفر بس وتطلع ريحته وننزل عليه بالصلصه
ونحط ملحها وتوابلها ههههه ودي بجد بتعمل طعم حلو اوي
وننزل بالصوص ده على السوسيس ونقلب كله وشمي الريحه بقى
لو احتاجتي زودي شوية ميه
وكله كده بيكون استوى لو لسه سبيهم يغلو مع بعض بس مش كتير
وبتبقى طبعا سلقتي المكرونه وتحطي معاها زيت وملح وتسبيها على جنب ووقت التقديم
هتحطي المكرونه وفوقها السوسيس
وبكده نكون شقلبنا وقلبنا هههههههههه
انا عارفه انها اكله سهله وكلكو شاطرين اوي بس فعلا تعبت في تظبيط الصور والموضوع
فانا هخيركو يا تقيمو يا تدعولي دعوه حلوه
في أمان الله مواضيع هذا القسم برعاية
white–heart white–heart 46047_1.gif فتكات متميزة Fatakat 46047 المحله الكبرى – egypt