بسم الله الرحمن الرحيم
حبيباتي الفتاتيك
كلنا طبعا ملاحظين كم التلوث اللي بقينا عايشين فيه .. إذا كان ميه او هوا او أكل..
و كم الأمراض اللى انتشر بينا .. ربنا يعافينا جميعا..
و من باب نفع المسلمين حبيت أقدملكم وصفة سهلة جدا بس مؤثرة جدا والله و من تجربتي الشخصية..
وتجارب ناس كتير الحمدلله نفعتهم .. ماشاء الله
هى خلطة ثلاثية زى ما العنوان بيقول.. مش لتعزيز المناعة بس
هى لعلاج الإمساك
و كمان لوجع البطن و تعب القولون..
طيب الوصفة بقى علشان ما اتضربش 
عبارة عن ملعقة عسل نحل صغيرة مذابة فى نص كوب ماء…….
بسسسسسس
بصوا بقى يا فتوكات .. الطريقة..
مش لازم ميه دافيه و لا حاجة .. عادي مية الحنفية و تقلبي كويس لغاية ما يبان رغوة خفيفة اوى..
يبقى كدة انزيمات العسل اشتغلت..
لو لرفع المناعة..او علاج الإمساك..
نبقى لازم نشربها على الريق..
واللى عنده مشكلة فى بطنه يبقى يشرب شوية ميه قبلها على طول و بعدين يشربها و بعدين يفطر عادي.
لو للمعدة و القولون..
فى اى وقت عادي (لكن مش على الريق على طول)
ممكن بانتظام زي الدوا
.. و كمان وقت المغص يعني زي المسكن..
لأنها أصلا شربة العسل سنة عن النبي_ صلى الله عليه و سلم _لعلاج المعدة.
والله انا عارفة واحدة قالتلي جربتها و رميت أدوية القولون.
و كمان شربة العسل دي مؤثرة مع الأطفال جدااااااااا جداااا والله رائعة.. بس تستمري عليها شهر
وهاتلاقي تغيير تماما فى مناعة أطفالك.
((لكن للاطفال فوق سنة.))
و لو على العسل الأصلي غالبا هاتلاقيه ناااادر جدا.. لكن انتِ اولا احتسبي انها سنة..(مهم)
ثانيا.. فى نوع كويس اوى اسمه (امتنان) و في انواع تاني كويسه برضو.
أتمنى من كل قلبي انكم تنتفعوا بالوصفة دي
و اللى يجرب و يشوف نتيجة يدعيلي بصلاح الحال و بشفاء ابني.
بحبكم في الله يا فتوكاتي.
موكا موكا ^_^ موكا موكا ^_^ 144566_4.gif فتكات هايلة Fatakat 144566 الشرق المسلم – كوكب الأرض