أصابع ناجتس الدجاج المقرمشة… خفيفة و لذيذة خصوصاً للأطفال
في بادية كبيرة نخلط:
6 قطع صدور دجاج مفرومة فرم ناعم
بصلة صغيرة مفرومة فرم ناعم
فصين ثوم مهروسين
نص كوب جبن تشيدر مبشور
بيضة
ملح – فلفل أسود
في الصورة نسيت أحط الجبن
و عشان نبدأ الشغل بنحتاج 3 صحون عميقة…
واحد نخلط فيه بيضة مع شوية حليب…
و الثاني نحط فيه طحين…
و الثالث نخلط فيه هذي المقادير (بقسماط – ملعقة صغيرة سمسم – رشة بابريكا – ملح – فلفل أسود – ملعقة كبيرة جبن بارميزان مبشور – رشة أوريغانو – و للي يحب الحار ممكن يزيد فلفل أحمر بودرة)
و نجيب صينية فرن و نحط فوقها شبك الشوي و ندهنه بالزيت…
الحين نجي للتشكيل و التجميع…(اسمحولي ما صورت هالخطوة، يدي كانت مشغولة )
خلطة الدجاج بتكون طرية و تلزق باليد، بس ما عليه حاولوا قد ما تقدرون تشكلونها بشكل طولي، بعدين غمسوها بالطحين و بعده البيض، و في الأخير غطوها تماماً بخلطة البقسماط… و ممكن تستبدلون خلطة البقسماط بالكورن فليكس المجروش…
نصف أصابع الدجاج على الشبك المدهون و نرشها بالزيت رشه خفيفة…
ندخلها الفرن على حرارة 350 فهرنهايت لمدة 35 دقيقة…
و بنسوي معاه تغميسة… طبعاً لكم الحرية في اختيار التغميسة اللي تفضلونها… ممكن تحطون صلصة الرانش، أو صلصة الباربكيو، أو البلو تشيز… اللي تحبون…
أنا حطيت نفس تغميسة رايتشل، كاتشاب و خردل، لكن زدت عليها مايونيز…
في بادية صغيرة، حطوا كمية من الكاتشاب، و فوقه بالنص ارسموا حلقة من الخردل، و فوقه بالنص حطوا المايونيز… بعدين جيبوا عود أسنان و سووا خطوط مثل شبكة العنكبوت.. مواضيع هذا القسم برعاية
ana meso ana meso images/avatars/purplestar.gif فتكات حبوبة Fatakat 942524 الجيزه – مصر