يا جماعه لو سمحتو لو ممكن دكتوره نفسيه اواللى مر بتجربه يقولى لى اتصرف ازاى لانى مش عاوزه البنت تتأثر نفسيا
انا زوجى عنده بنتين و هو منفصل عن والدتهم من قبل جوازنا و بناته حاليا 17 سنه و 11 سنه و انا بنتى 5 سنيين و هما البنات طبيعى بيشوفو والدهم كل سنه مره لاننا عايشين بره و احنا حاليا نازلين اجازه فى خلال شهر فهل من المناسب فى السن ده انى اعرف بنتى ان لها اخوات من باباها و لا لسه شويه مع العلم انى لو مقلتلهاش دلوقتى يبقى هستنى سنه كمان و اعرفها ازاى و امهد لها و لو مفروض تتعرف عليهم دلوقتى اسيبها تشوفهم مع باباها لاول مره بدون خلفيه سابقه يعنى تبقى مفاجأه و لا ايه ؟؟؟و لو هتتعرف عليهم اروح معاها و لا اسيبها معاه لوحدهم
الله يخليكو لو فيه دكتوره فى القسم ترد عليا او اللى تعرف و عندها معلومات مؤكده او صاحبة تجربه ترد عليا
لانى مش عاوزه اعرض البنت لهزه نفسيه خصوصا انها بنت وحيده و حساسه جدا و اساسا هى مش مدركه المعنى الحقيقى لصلة الاخوه لانها وحيده زى ما قلت و دايما تقولى يا ماما انتى اختى الاكبر او احنا اخوات بعض
و ايه الحاجات اللى مفروض بباها يراعيها معاها و مع اخواتها فى اول مقابله بينهم يعنى المفروض مثلا يخلى اخواتها الاكبر يتعاملو معاها ازاى لان هما كبار و مدركين وعارفين ان لهم اخت لكن بنتى هى اللى لسه متعرفش و لا المفروض يسكت و يسيبهم يتعاملو مع بعض زى ما يعجبهم
و كمان مفروض ياخدها معاه اول مقابله له معاهم و لا يقابلهم هو الاول و يعرفهم ان المقابله الجايه هيجيب اختهم معاه ؟؟؟
معلش يا جماعه ان عارفه اسئلتى كتير بس انا معذوره خايفه على بنتى تتعرض لموقف صعب يتخزن فى ذاكرتها مده طويله خصوصا انى تقريبا مش هينفع اكون معاها لو هتروح مع باباها
و اللى ترد عليا ربنا يجازيها خير مقدما
سرورة حبيبتى سرورة حبيبتى 380762_2.gif فتكات رائعة Fatakat 380762 الدمام – السعودية
سبحان الله و بحمده