السلام عليكم ورحمة الله يا فتوكات
انا لسه جديدة هنا.وعايزة اخد رأيكم ف حاجة
انا عندى 21 سنة,متزوجة من 9 شهور, ولسه محصلش حمل خالص لحد الآن
كنت بتابع مع دكتور من 3 شهور لان البريود كانت بتيجى بوجع فظيع,وقالى عندك كيس ميه حجمه 4 سم,ومشيت ع العلاج من ساعتها ولسه الكيس موجود ولا حتى قل شوية.
المهم انا بقالى شهرين البريود مش منتظمة,والشهر دا اتأخرت 8 ايام وقولت انه حمل وعملت الاختبار وطلع إيجابى
لكن للأسف نزل دم وروحت للدكتور وقالى مش حمل ولا حاجة دى لخبطة هورمونات.وكتبلى على مسكن للألم وخلاص.
روحت لواحد تانى قالى نفس الكلام,,بس كتبلى على ادوية هورمونات ومنشطات (سيكلوبروجينوفا-نولفادكس) وبصراحة انا خايفة منهم جدا لانى قرات الاثار الجانبية لاقيتها خطيرة جدا,وبعدين انا مش عايزة العب ف الهرمونات من دلوقتى
خصوصا انا البريود طول عمرها منتظمة الحمد لله.مش عارفة اسمع كلام مين؟؟
بالله عليكم اللى عنده أى خبره أو تجربة ف الموضوع دا تدلنى اعمل ايه؟؟لانى محتارة وخايفة ونفسيتى تعبانة
ادعولى بظهر الغيب ربنا يرزقنى بالذرية الصالحة المعافة انا وجميع المحرومين منها ان شاء الله
ام مرمر وحبيبة وحازم ام مرمر وحبيبة وحازم 1062729_2.gif فتكات حبوبة Fatakat 1062729 دمياط – مصر