نوع الجلاش ممكن بلدى و يفضل الجاهز نوع (السنبله)
المكونات :
جلاش السنبله
لحم مفروم و معصج (بالطماطم أو بدون)
جبن موتزاريلا + شيدر
لبن و بيض
فلفل اخضر مقطع شرائح
الطريقه :
فى صينيه يفضل تكون مستطيله تدهن بزيت
و يتم فرد الجلاش بالعكس لكل طبقه
يعنى لو فردتى اول طبقه بالطول الطبقه التانيه تكون بالعرض
و بين كل طبقتين او تلاته رشه سمنه بلدى او زبده أو زيت
لحد مانوصل لتلت الصينيه او المساحه اللى تعتبريها تلت الصينيه على حسب السمك اللى تفضليه
نرش جبن موتزاريلابالتساوى و فوقه نرش برضه فلفل أخضر و فوق منهم نرش شويه زعتر ناشف و ريحان
و بعدين نضع التلت الثانى من طبقه الجلاش
و فوق التلت التانى نضع اللحم المفروم
و نضع التلت الأخير لكن قبل الطبقه الأخيره من الجلاش نضع شرائح الشيدر و بعدين أخر الجلاش
و بعد كده بسكين مشرشر نقطع الصينية مربعات طول و عرض و احنا بنقطع ناخد بالنا ان الصينيه لسه طريه علشان كده بسكين مشرشر نحز و احنا بنقطع علشان ماتفرفتش
بعد التقطيع نجهز نص كوبايه لبن و نحط عليها بيضه او اتنين و شويه ملح و فلفل اسود و ذره ريحان و نضربهم فى بعض ممكن فى الخلاط يكون أفضل
بعد كده نسقى الصينيه كلها بالتساوى و نحاول ببطىء علشان السائل يدخل بين التقطيع و يشربه الجلاش
بعد كده نرش شويه موتزاريلا على الوش و نحطها فى الفرن و نتابع لحد مانحس انها استوت
بعدين نفتح الشوايه عليها علشان الوش يتحمر
و ادعولى بقى مواضيع هذا القسم برعاية
mahany2016 mahany2016 فتكات حبوبة Fatakat 212530 egypt – egypt