ازيكوا يا فتوكات يارب تكونو كلكم بخير
الموضوع ده انا عايزة اعمله من بدري بس عقبال ما افتكرت بقى
طبعا الموضوع من عنوانه اني هتكلم عن المنتجات المجمده
بما اني دكتورة بيطريه حبيت اقولكم شويه حاجات من معلوماتي عن اللحوم والفراخ المجمده
مبدايا فيه حاجه اسمها (MDM)
دي اختصار لجمله mechanically deboned meat
دي بقى عباره عن انهم بيجيبوا العضم بعد ما ينزعوا اللحمه منه بيبقى حتت لحمه صغيره
بيفرموا العضم باللحم الباقى وينزعوا اللحم من العضم بطرق ضغط وكلام من ده
طبعا اللحم المنزوع ده بيبقى فيه بقايا عضم بس بتبقى مش باينه بالاضافه انه بيبقى فيه كالسيوم ومعظم الحاجات اللى في العضم
المشكله بقى انها بتبقى زياده عن حاجه الجسم غير المواد التانيه اللى ملهاش لازمه اصلا
مشكلتها بقى انها بتسبب امراض ما يعلم بيها الا ربنا
هتقولوا فين الرقابه وازاى تسمح بحاجه زي كده
هقولكم ان المواصفات القياسيه المصريه بتقول انه يتحط بس محددتش ليه نسبه وهنا المصيبه
معني انها محددتش ليه نسبه يعني كل الشركات هتحطه بالنسبه اللى تشوفها
ولو دورتوا على اللى بيحط المواصفات القياسيه دي هتعرفوا ان معظمهم شركات تجاريه يعني من مصلحتهم يعملوا كده
مصلحتهم ليه بقى
عشان ينزلوا المنتج بسعر رخيص فالناس تشتريه
نيجي بقى لاهم حاجه من الرغي ده كله
المنتجات اللى بيتحطلها ال mdm دي
ممكن تقولوا معظم الحاجات المفرومه وبتتباع مجمده
زي
كفته الفراخ
كفته اللحم
الهامبورجر
كفته الفراخ دي الراجل بتاع الفراخ بيعملها وبتتباع برضه جاهزة
الشركات بقى اللى بتنزل الحاجات دي فرج الله وكوكي وعلى فكرة فرج الله من الناس اللى اصلا بتشارك في اعداد المواصفات القياسيه شفتوا ازاي
المهم بقى يا حلوات المفروض كلكم تعملوا الحاجات دي في البيت وملوش لازمه العك بتاع بره ده حفاظا على صحكتم كفايه البلاوي اللى ماليه البلد
يارب يكون كلامي مفيد ليكم وقدرتوا تستفادو منه
واى استفسار انا تحت امركو
مواضيع هذا القسم برعاية
Dr/Reno Dr/Reno 255960_4.gif سوبر فتكات Fatakat 255960 cairo – مـــــــــــــــ أم الدنياـــــــــــــــر