السلام عليكم
لو سمحتم يافتوكات انا عندى مشكلة بقالى 5 ايام بدخل الحمام كتير اوى مع الم فى اسفل بطنى فى المثانة وجنابى ومهما ادخل الحمام بحس كانى مدخلتش وانى مزنوقة جدا المهم رحت للدكتورة بتاعتى وحكيت لها قالتلى ده صديد واملاح وسالتنى لما عملت التحليل فى اول حملى النسبة كانت كام قولت لها من 4 _ 6 فكتبتلى علاج من غير ما تطلب تحليل ولما سالتها طيب مش اعمل تحليل ونشوف النسبة قالتلى هتمشى على العلاج ده وبعد شهر نعمل التحليل المهم كتبتلى كبسولات يورينكس 3 مرات فى اليوم لمده شهر وكبسولات ميبافيوران 50 مجم مرتين فى اليوم لمده 10 ايام
ولما شوفت النشرة بتاعه ميبافيوران لقيت مكتوب لا يستخدم فى المراحل الاخيرة من الحمل لانه يمكن ان يؤثر على الجنين فخوفت اخده
ويورينكس مش مكتوب فيه اى موانع ومش عارفه هل ينفع مع الحمل ولا لا ومش 3 مرات فى اليوم لمده شهر ده كتير ولا ايه
هى الدكتورة قالتلى مفيش منه خوف بس برضو قلقانة
فبالله عليكم اللى جربت حاجة منهم فى الحمل تطمنى وتفيدنى انا دلوقتى فى نص الرابع
وانا خايفة اوى لانى سمعت الصديد بيعمل ولادة مبكرة ومش عارفه اخد الدواء ولا ايه لانى خايفة اخد اى حاجه تاثر على الجنين
وقولولى بالله عليكم اشرب ايه مفيد للصديد ده وايه اللى ممكن يزوده ابعد عنه
حاجة كمان انا سالتها عشان باكل برتقال كتير فقولت لها اوقفه عشان فيه املاح قالتلى لا البرتقال واليوسفى مفيهمش املاح ومش مشكلة اكلهم عادى
نانا المصرية نانا المصرية 349211_1.gif فتكات رائعة Fatakat 349211 القاهرة – مصر
سبحان الله و بحمده