تخطى إلى المحتوى

يا ترى انتى فعلا عايزة تنتصرى على شهواتك؟!!

  • بواسطة

هاطول عليكوا شويه بس والله موضوع هايفرق جدا في حياتك

بستغرب جدا "منها" وهي بتجهز للجواز قبلها بكام شهر و"منه" وهو بيجهز للسفر للدوله الفلانيه قبلها بكام شهر ولا سنه عشان يبدأوا حياتهم صح!!

وبينسوا حياتهم الابديه في الجنه ومش بيجهزولها بنفس الاهتمام!! ..

..اختي في الله….ليه احنا في الدنيا طموحين اوي كدا ..وفي الاخرة زاهدين اوي كدا ؟!! ليه الدنيا عايزين كل حاجه بزياده وفي الاخره مش فارقه؟!! .. يا ترى الجنه هي اغلى حلم في حياتك؟!!

الكلام ده لى وليكم والله

يا ترى انتى فعلا عايزة تنتصرى على شهواتك؟!!
يا ترى انتى عايزة تتغيرى ؟!! يا ترى عايزة تغيري حياتك؟!! ..يا ترى انتى عايز ةتنورى قلبك بحب الله؟!!..

لو انتى كدا فعلا.. انا ببشرك فقد اقتربت اعظم فرصه في حياتك لتغيير شكل حياتك كلها.. فرصه ما بتجيش غير كل سنه مرة واحدة مرة يأما تلحقها او ما تلحقهاش..

رمضااااااااااااااان جاااااااااااااااي !!!

رمضان هو الشهر اللي لو عشته صح..هايغير حياتك كلها..وهايصلح كل شيء في حياتك..

يا جماعه دا اعظم شهر في حياتك .. يااااه لو تعرفى قيمته !!

رمضان يعني 60 فرصه للعتق من النار لكل الناس الملتزم منهم واللي حتى كان اول مره يلتزم فيه..رمضان يعني 60 دعوة مستجابة بشكل مؤكد .. يعني ابواب جنه بتفتح .. رمضان يعني مضاعفة عظيمة لحسنات الفرائض والنوافل قد تصل ل 700 ضعف !! .. رمضان يعني فرصة لتكفير كل المعاصي والذنوب والكبائر والسيئات..

يا جماعه اللي عايز يتوب والله رمضان هو اعظم فرصة للتوبه!!

طب اسمعى كلام نبيك عن رمضان وبالله عليكى حسه بقلبك قوي عشان تفهمى انتى مقبلة على ايه!!

قال رسول الله صلى الله عليه وسلم (أتاكم شهر رمضان ، شهر مبارك ، فرض الله عليكم صيامه ، تفتح فيه أبواب الجنة ، و تغلق فيه أبواب الجحيم ، وتغل فيه مردة الشياطين ، وفيه ليلة هي خير من ألف شهر ، من حُرم خيرها فقد حُرم )
خلاصة حكم المحدث: صحيح

وفي رواية " من صام رمضان ايمان واحتسابا غفر له ما تقدم من ذنبه" وفي رواية " من قام رمضان ايمانا واحتساب غفر له ما تقدم من ذنبه" كل ذنوبك تغفر وكأنك حجيت يا ناس ياللي بتقوله نروح نحج ما عندكوا رمضان اهوه!!

بس تفتكرى انك ممكن تكونى طول السنه حاجه وفي رمضان حاجه تانيه خالص اخلاق راقيه وهمه عاليه ونشاط ملوش مثيل عشان تعرف تفوز برمضان؟!!!

الحقيقه يا جماعه ان التجربه اثبتت انه لآ للاسف؟!!

الحقيقه انك لازم تكونى مجهزة نفسك قبلها!! اصل بص ييأختي ؟!! الطاعه بتكون بالتعود والبعد عن المعصيه كمان بالتعود!! …عشان كدا تلاقي ناس كتير بتشتكي تقول (( انا مش عارف فيه ايه انا كنت قبل رمضان كان جوايه نيه اني اعمل طاعات كتير وابعد عن المعاصي ..اصلي الفجر في المسجد وطبعا باقي الصلوات واختم القرأن 3 او 4 مرات واصوم بجد وابعد عن النظر النساء واغض بصري بقى ..لكن للاسف اكتشفت اني ببساطه كنت خلاص اتعودت!!وبكل اسف خرجت من رمضان ندمانه اني مكسبتش حسنات زي ما كنت متخيله بل وما بعدتش عن المعاصي زي ما اتمنيت!!! ))

اقولك على المشكله ؟!!…

المشكله انك مينفعش فجأه وفي اول يوم تتغيرى لازم تتدربى ..وتحاولى تبطلى معاصي بتعملها ومتعودة عليها حتى وان كانت صغائر المحاولات دي خلي بالك بتاخد وقت عشان تنجح وتبطل ذنوبك ..يعني تبطل مرة وترجع تاني تخطأ وتصيب لحد ما تبعد عنها لكن انك تتخيل انك هاتبطلها قبل رمضان على طول احب اقولك صعب جدا!!..كمان الطاعات انت مش من اول يوم هاتكونى قمة في القرب ونشيط الا اذا اتدربت على دا و واحده واحده يبدأ نشاطك يزيد وايمانك يزيد وتوصل !! مش الايمان بيزيد وينقص؟!!

احنا دلوقتي باقيلنا ايام قلائل جدا على رمضان لو مجهزتش نفسك لرمضان فيها صدقني هاتخسرى كتيير اوي في رمضان!!!

يا جماعه رمضاااااااااااااااااان جااااااااااااااي انتى لسه مش عايز تلحقى نفسك وتبطلى معاصي!!
انتي لسه مصاحبه فلان وعايزه تضيعي رمضان !!
انت لسه بتحط كلبيات اغاني وافلام عندك على الفيس بوك!!!
!! انتي لسه بتجيبي في سيرت الناس !! انت لسه بتشتم!! انتي لسه بتلبسي ديق!!

رمضان جااااي يا جماعه!!! لو بجد فيكى الخير اقبل بقى من دلوقتي على الله!! لانك لو جه عليك رمضان ولسه ما بطلتش ذنب ولا لسه مكسل عن طاعه هاتضيع منك فيه ايام كتير عشان تعرف تعالج نفسك من الذنوب!!

والله نفسي ازعق بعلو صوتي يا جماعه رمضان جااااااااااااي يا باغي الخير اقبل ويا باغي الشر ..اقصر..كفايه بقى..الذنوب بالتعود والله هاتلاقي نفسك فجأه وانتى مش واخدة بالك مش عارفة تغضى بصرك في رمضان ما انت اصلك اتعودت!! هاتلاقي نفسك وانتي مش حاسه بتغني اغنيه من اللي حافظاهم ما انتي اصلك اتعودتي!! هاتلاقي نفسك مكسلة تروح تصلي في المسجد ما انت اصلك اتعودت!!

عشان كدا ارجوك من دلوقتي عودى نفسك على الطاعه والبعد عن المعاصي عشان تكسب رمضان ..بالله عليك اكسب ولو رمضان واحد بس في حياتك تعبد ربنا فيه صح!!! بالله عليك ابدأ من دلوقتي صلي في المسجد .. بالله عليكي ابدأي من دلوقتي صومي ولو يوم في الاسبوعي تدربي فيه على الطاعه .. بالله عليك ابدأ من دلوقتي تبعد عن اصحاب السوء وتقرب من اصحابك المتدينين .. بالله عليكى ابدأى عودى لسانك على ذكر الله .. وعودى عينكى على قرائة القرأن!!

وخلي شعارك في رمضان الجاي دا "لـــن يسبقنــــي الى اللــــه احــــد" وجهزى نفسك ببروفه من دلوقتي

ارجوكى تشاركى الموضوع دا وتخلي غيرك يشوفه وخدى ثواب كل واحد عشان رمضان صح بسببك ومتنساش انك لو دليتى حد على الخير كأنك عملته

ابى كل حياتى ابى كل حياتى 665960_3.gif سوبر فتكات Fatakat 665960 الحـــــــــــــــــــــــــب – الاحــــــــــــــــــــــلام

لقراءة ردود و اجابات الأعضاء على هذا الموضوع اضغط هناسبحان الله و بحمده

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.