انا عارفة اى واحدة هتدخل الموضوووووع هتقووول ايه ده مش كفاية كل حاجة صينى حتى الاكل كمااااااان
لا لا بس الاكل الصينى يختلف تماااااما انا عن نفسى بموووووووت فيه
والوصفة دى من مطبخنا (انا وامى) ومش موجودة فى حتة ان شاء الله يعنى على فتكات وبسسس شوفتوا بقى
ونبتدى بسم الله الرحمن الرحيم
اولا هنعوووز 1/2 كيلو بانيه او كيلو زى ما تحبى
وفلفل رومى او فلفل اخضر
اناناس لو مش موجود مش مشكلة
صلصة صويا الحلوة مش المرة وموجودة فى محلات كتير زى المحمل واولاد رجب وبرده فى السوبر ماركت
معلقة دقيق
معلقة سمنة
زبادى
بصلة
ملح وفلفل
بسسسسس هى دى المكونات
الطريقة بقى
نجيب البانيه ونغسله ونسيبه يتصفى
وبعدين نقطه حتت صغيرة ورقيقة وبعدين هنجيب بصلة ونبشرها وبعدين نعصرها فى طبق بايدينا ونرمى البصل ونسيب المية بتاعته بس
وبعدين نحط على مية البصل كوباية زبادى ومعلقة ملح ومعلقة فلفل اسود
وبعدين نحط البانيه المتقطع على الزبادى والملح والفلفل و مية البصل
وبعدين نقلبه كويس ونسيبه فى التلاجة نص ساعة كده
وبعد ذلك نجيب حلة حلوة كده ونحط فيها معلقة سمن او زيت زى ما تحبى
وبعدين نحط فيها البانيه ونقلبه لحد ما شبه يستوى ونقطع عليه الفلفل الاخضر او الرومى
ولو فيه اناناس حطى ما فيش مش مشكلة مش هتفرق
وبعد ما يستوى ورحته تطلع نحط عليه صلصة الصويا لحد ما تغطى البانيه بيها
وده شكل صلصلة الصويا
وبعدين نجيب معلقة دقيق ونزودها ميه ونحطها عليه عشان الصلصة تتقل
وبكده نكووووووووون خلصنا وناكله بقى مع الرز البسمتى المسلوووق
واهو برده تجديد ولا ايـــــــــه ؟
وماتنسووووووووش التقيم والرد يا فتوكاااااااات عشان انا تعبت عقبال لما عملت الموضوووووع مواضيع هذا القسم برعاية
بنوتة بطعم التوتة بنوتة بطعم التوتة 46261_3.gif فتكات نشيطة Fatakat 46261 حلوان – مصر