سلامو عليكووو
طبعا كلنا هنا بنشوف تجارب واكلات كتير وفى منا بيخاف يجرب لحسن تطلع يععععععع
انا بقى جربت حاجتين السمبوسه فى الفرن والبشاميل الدايت
بصوا انا اخر لما زهقت من الريجيمات قلت احسن حاجه انى اخلى نظام اكلى اصلا صحى اممممم اهو بحاول يعنى ادعولى ابطل طفاااسه اصل اختكم مبتحبش تقفل بوقها
نبتدى بالسمبوسه فى الفرن
عملتها امبارح وصورتها بس معرفتش انزل الصور من موبيلى
جبت السمبوسه وحشيتها حشوتين الاولى لحمه معصجه عادى
والتانيه تووووووووووووحفه بجد وعباره عن
جبنه ملح خفيف او جبن قريش عليها شويه زيت ونعناع ناشف فركته بأيدى وشويه زعتر وكتروا النعناع متخافوش
وحطيته على ورقه السمبوسه وعليه قطع صغيره زيتون اسود وفلفل اخضر وااااااااو تووووحفه
المهم حشيت كل كميه السمبوسه الاول. ونيجى بقى للتكه الجديده اللى هى اخترااااااع يا نونه ان ان اااااااه كله يبرق
هغطس كل سمبوسه فى وصفه هقولكم عليها دلوقتى ودى بقى السر ان السمبوسه فى الفرن هتطلع مش ناشفه وكأنك قلتيها بالظبط بس احلى بكتير لانها مش شاربه زيت يعنى خفيفه
هاتي بيضه واضربيها مع فلفل اسود وملح وحطى عليها معلقتين زيت زيتون ومعلقتين لبن وغطسى فيها السمبوسه واحده واحده ورصيها فى صنيه مدهونه نقطتين زيت
ودخليها بقى الفرن اقل من عشر دقايق او كل واحد وفرنها المهم انها مش بتاخد وقت كتير
ولو مش بتحبيها بالبيض ممكن لبن وزيت زيتون بس
تانى تكه اللى هى مهمه جدااااااااااااااااا جدااااااااااااا
انك اول لما تطلعيها من الفرن طلعيهم فى طبق ودخلى الطبق بسرعه فى كيس بلاستيك لمده عشر دقايق ودوقى بقى الجمال بعدها بس اقفلى عليها بالكيس كويس على بخار السخونه هو اللى بيطريها
نيجى بقى للبشاميل دى بقى مش اختراعى بس جربته من فتوكه هنا وجايه اقولكم الاخبار عارفه انكم اروبات وبتحبوا تجربوا فى حد الاول هههههههه سوسه يا ناس
الاول حابه اقولكم نبذه عن الفتوكه نونه
معروف عنى فى عيلتى الكريمه انى حريفه بشاميل يعنى لما ادخل اعمل بشاميل كله يقعد يستنى احلى صينيه متواضعه انا اوووى هههههههه
الطريقه بقى هى
انك تحمرى الدقيق الاول فى طاسه تيفال بدون زيت او سمنه وتنزلى عليها باللبن السخن وبعدين ترفعيها على النار والتكتين الحلوين بتوعى بقى اول لما تبتدى تطلع فقاقيع على النار تحطيلها كيس لبن بوده نيدو ابو جنيه ونص وواحده او اتنين جبنه مثلثات
عملت بيها النهارده رز بالبشاميل والمفروم والبسله وكان تحفه وخفيف والمفاجأه انه نفس طعم البشاميل اللى انا كنت بغرقه سمنه وعك وانا اللى من هبلى ضيعت رشاقتى بالسمنه
المهم انا مجرباهم متشفوش بقى الموضوع كدا وتعالوا قولولى كلمتين واجبروا بخاطرى
او ادعولى ربنا يكرمنى باللى فى بالى
طب قيموا حتى دا ايه دا
يلا اسيبكم بقى سلام يا حلويين مواضيع هذا القسم برعاية
الفتوكه نونا الفتوكه نونا 480180_1.gif فتكات متميزة Fatakat 480180 القاهره – مصر