ازيكم يا بنات
عملت ورقة اللحمة كزا مرة وهي بصراحة اكلة جميلة وسريعة
و وفيها مكونات كتير والطعم مااقولكيش عليه
بجد رائع
ويارب تعجبكوا
يلا نبدا
المقادير
كيلو الا ربع لحمة (ممكن تزودي او تقللي الكمية)
بصلاية طمطماية 4 فصوص ثوم فلفلاية خضراء
3 بطاطس متوسطة الحجم 2 جزر ربع كيلو بسلة 3 كوسات
ولو عندك فاصوليا ضيفي بتبقي برده حلوة ملح وفلفل وكمون وحبهان وجوزة الطيب وشطة وثوم بودر وجنزبيل بودر
الطريقة
بتقطعي البطاطس والجزر والكوسة حلقات وتضيفي عليهم البسلة
وتقطع الطماطم والفلفل والبصل والثوم قطع صغيرة وتحطي كل المكونات مع بعضها ومعاهم اللحمة و التوابل وتقلبيهم كويس تجيبي صنية وافرشي فيها ورق فويل وحطي فيها اللحمة والخضار
وتغطيها بالفويل كويس بالشكل دة
وتضيفي شوية مية في الصنية ودخليها الفرن لحد ما تستوي وكل مالمية اللي في الصنية تنشف ضيفي تاني عشان تستوي كويس
ممكن بعد ما تستوي تفتحي الفويل وتحطي الصنية تحت الشواية شوية تتحمر بس انا بحب يبقي فيها مية عشان بتبقي طعمها حلو اوي ومش بحبها تكون ناشفة ودة الشكل النهائي لها وبالف هنا
بجد تستحق انك تجربيها لان طعمها رائع ويارب الطريقة تعجبكوا مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية