ده اول موضوع ليا في القسم ده اللي استفدت منه كتير و عشان كده حبيت افيدكم معايا
مش هطول عليكم و هخش في الموضوع
بما أننا داخلين علي دراسه (مننا اللي بيروحوا الجامعه او المدارس)
و الموضوع ده هيفيد اوي بتوع الجامعاه طبعا بما ان البنت مننا بتكون داخله مرحله جديده ناس جديده
و عايزه تبقي موزه بقي و سمباتيك
و طبعا كلنا نبقي ماشيين في الصيف حلو و اجازه بقي و دايت و ايروبكس و كل حاجه و نبقي سمباتيك خالص و اخر جمال و شياكه 
و تيجي بقي الدراسه من هنا و الشتا و احنا بنتحول فجأه كده نقلب اتوبيس عشان طبعا بقي بنعقد ناكل و مش بناخد بالنا من نفسنا و بنوقف الرياضه كمان
لغايه ما هدومك مش تقفل عليكي و يرجع الصيف تاني نضيعه برضو في محاوله الرجوع للرشاقه لغايه ما نبقي عازين نصوت كده 
طب و علي ايه كل ده ؟؟ ليه كل صيف لازم نضيعه و نكد علي نفسنا ؟؟
ليه كل شتا لازم يبوظ جسمك ؟؟
يبقي لازم نحد حد للموضوع 
و لازم يكون فيه نظام حاسم (حلوه حاسم دي صح )
لازم نبدا و نحط في دماغنا نقط معينه عشان نبقي مزز كده و سمباتيك
1- لازم تشربي مياه اقل حاجه 2 لتر يوميا
2-لازم تنامي 10 ساعات بالظبط يوميا (هي صعبه بس لازم تتنفذ)
3-يكون معاكي نوته او كراسه كده (تكون حلوه و متزوقه عشان تفتح نفسك) و تسجلي فيها كل حاجه دخلتيها بقك حتي لو كوبايه شاي بس ماعدا المياه مش تكتبيها
4- لازم تكوني عارفه كويس ان دايت الصيف غير الشتا يعني لو كنتي ماشيه بدايت معين في الصيف امشي علي غيره في الشتا
التوبيك ده ممكن تعتبيره في كل انظم الدايت انا هكتب اللي هقدر عليه و انتوا اللي عليكوا كل واحده تقول الدايت اللي هي ماشيه عليه عشان نفيد و نستفيد
و لو واحده بتعمل رياضه لو تقدر تجبلنا صور متحركه لاكتر تمرينات بتحبها و جابت نتيجه
لو فعلا عملنا كده صدقوني هنكون معانا كل انظمه الدايت و تمرينات كمان
و اللي عجبها دايت غير بتاعها و قررت تمشي عليه تعمل عليه لايك
و انا اول كومنت هقول فيه الدايت بتاعي
و هكتب شويه من اللي قرات عنهم
caty22 caty22 603712_9.gif سوبر فتكات Fatakat 603712 الاسماعيلية – مصر