السلام عليكم ورحمة الله وبركاته اولا انا قولت فو ال 90 لان اللى فوق 90 ليهم كمية اكل واللى تحت ال 90 كمية مختلفة:
وبجد انا بقالى اكتر من 20 يوم بدور على كتاب علم اللقيمات او اى معلومات عنه عشان عايزه اعمله باى طريقه لانى بينى وبينكوا بيجيلى اكتئاب من اى نوع رجيم والتقيد بانواع اكل معينه
لحد ما الحمد لله ربنا وفقنى وبجد والله والله الفتوكات هنا يسلموا وجزاهم الله عنى وعن كل القلبوظات العسولات واللى هيبقوا عسولات زينا كده كل خير جايبين معلومات كتير عن رجيم اللقيمات
وانا حاولت اجمعهم فى ملف عندى هنسخهولكم بأذن الله عشان يكون مرجع لينا وهو منقول من الفتوكات هنا طبعا انا بس هجمعه على بعضه وحاولت افهمه كويس وادرسه وهنعرفه اكتر مع بعض ان شاء الله
وانا بقترح اننا نبتدى 5 فتوكات او 6 لسهولىة المتابعة بس اللى هتسجل معايا هتلتزم والا هنديها جواب رفد من المجموعه لو معملتش فروضها اليوميه
وهى كالاتى : لازم تدخل كل يوم وتكتبلنا عدد اللقيمات واوقاتهم ومكوناتهم
للتسجيل يرجى كتابة الاسم والوزن والطول
ولاى استفسارات انا موجوده على الياهو او الفيسبوك لانى اغلب الاوقات بيدونى اشارات تنبيه بالرسايل الجديده فاللى حابه لو انا مش هنا تراسلنى على الايميل او فيس بوك
وبأذن الله نوصل فى الاخر للوزن المثالى ويكون كمان رجيم اللقيمات منهج لحياتنا لان فيه احياء لسنة رسول الله صلى الله عليه وسلم
نبدأ التسجيل على بركة الله
انا اسمى سمر طولى 168 ووزنى 96
اوعوا تنسوا التقييم عشان الموضوع باذن الله يتثبت
قلب يخشع لله قلب يخشع لله ممنوعة من المشاركة Fatakat 278052 القاهره – مصر
سبحان الله و بحمده