انا متجوزة تقريبا من سنه ولما محصلش نصيب وحملت قررت اخيرا انى اروح للدكتور عشان نطمن انا عندى 31 سنه وقررت اسمع كلام قرايبى اللى بيقولوا العمر بيجرى وانتى مش صغيرة والحركات دى
اه نسيت اقولكم انى عايشه انا وزوجى فى بلد اوروبي بس برده ربنا يخلى التليفونات و الانترنت
المهم
الدكتور زى اى دكتور نسا عمل كشف عادى واخد مسحة من عنق الرحم عشان الفحص وعمل سونار وقالى فى اليوم 21 او 22 تعالى هناخد منك عينة دم واليوم التالث من البريود عشان عينة كمان
الحمدلله كله طلع تمام
سألته سنى هل له علاقة قالى لا بالعكس دة انسب سن للانجاب قلتله يمكن دة هنا فى البلاد الاوروبية
قالى الست هى الست بس فى ست بتعرف تهتم بصحتها وست بتهد صحتها
وقالى اى ست قررت انها عاوزة تدخل فى موضوع الحمل لازم تاخد فيتامينات تاكل كويس وتاخد حمص الفوليك كل يوم 
المهم بأة والصدمة الكبيرة
انا لما اتجوزت صاحباتى قالولى على جل عشان ليلة الدخلة اشتريته واستعملته لحد لما خلص وبعدبن جوزى تعب منه وحصلتله مشاكل فواحدة افتيتنا اننا نستخدم جونسون بيبى اويل 
روحت انا بأة وجوزى ماشيين عليه طول السنه ومستحيل اى حاجة تحصل من غيره المهم فوجئت اننا المفروض ما نستخدمش اى حاجة فيها زيت لانها بتعوق حركة الحيوانات المنوية
ثانيا انها سببت لى جفاف فى المنطقة وقضت على البكتريا النافعة والدكتور كتبلى دوا عشان يساعدنى واحل المشكله دى
اللى عاوزة اقوله اننا لازم ما نسمعش استشارة اى حد وكل حاله منفصلة عن التانية انا كنت بستخدم الزيت وانا مطمنه عشان صاحبتى حملت عادى 
اه فى حاجة غريبة الدكتور دة مع انه مش مسلم بس قالى انه لو عايزة طفل لازم تهدى اعصابك وتنسى موضوع الخلفة تماما وتسمعى موسيقى تقومى بأنشطة
وتقربى اكتر من ربنا قالى انه فى بحث اتعمل على ناس متدينين وناس غير متدينين طلع ان السيدات اللى زودوا جرعة ايمانهم اتحسنت المناعة والهرمونات ونسبة الاخصاب وقالى انه كان مستغرب وكان حاسس الموضوع دة وهم
بس لما شاف نتيجة التحاليل صدق الموضوع دة ونصح كل الستات اللى بتجيله فى العيادة
ربنا يهدينا جميعا
الكلام ده انا لسه قرياه وطبعا منقول يعنى مش على لسانى
قال تعالى:
" و زَكَرِيَّا إِذْ نَادَى رَبَّهُ رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ (89) فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ (90) وَالَّتِي أَحْصَنَتْ فَرْجَهَا فَنَفَخْنَا فِيهَا مِن رُّوحِنَا وَجَعَلْنَاهَا وَابْنَهَا آيَةً لِّلْعَالَمِينَ (91) إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) " سورة الأنبياء
اتمنى تستفيدوا من الموضوع وربنا يكرمنا جميعا بالهدايه والذريه الصالحه
dflower dflower 1062989_1.gif فتكات حبوبة Fatakat 1062989 الجيزه – مصر