بسم الله الرحمن الرحيم
نيولوك جديد لجروب شعارنا في الاسواق "لو سمحت اصغر مقاااس small size "
بعد ما خلصنا من حالة الطوارئ اللي كانت عندنا في الجروب
رجعنالكم تاني بس بنيولولك جديد ونظام مختلف
هحاول اختصر الكلام ع قد ما اقدر علشان متزهقوش من كتر القراية
وفي نفس الوقت اوصلكم اللي انا عوزاه
بداية الجروب
كانت من 20/9/2016
والنهارده 19/11/2016
يعني شهرين والحمدلله
ولسه مكملين سوا بإذن الله
وفي معايا بنات من الاول خالص ولحد دلوقتي سوا الحمدلله وانا بشوف ده هو سبب من اسباب استمرار الجروب لحد دلوقتي
وفي معانا بنات فعلا لبسوا اصغر مقاس small size
فانا شايفه ان الجروب بيحقق اهدافه بس لازم من التغيير
لان طبيعة الانسان كده بيزهق بسرعه بيحب دايما الجديد
خصوصا احنا البنات والستات
مبنحبش نمشي ع وتيرة واحده
ربنا خلقنا كده
فالجديد بتاعنا ايه بقا :::
1:: هنتقسم فرق ( من 2 الى ما اكثر من ذلك )
الفرق هتحدد حسب طرقتين
ايهما او كلاهما
&لسه مقررتش حسب البنات اللي هتشترك معانا هحدد ده &
الطريقة الاولى ::
حسب نوع الرجيم ….
يعني الاساسي في الجروب بتاعنا التخفيف
بس من باب النداء بالحرية وتكافؤ الفرص
معانا بنات ماشيين ع رجيم القيمات او رجيم مع دكتور او التخفيف زينا
فاحنا هنقسم الجروب فرق حسب نوع الدايت المتبع لكل فرقه
اوك كده ؟؟
الطريقة الثانية :: ..
حسب طريقة الميزان
احنا كنا بنوزن كل 10 ايام وبنعمل جزء جديد
بس في بنات بتنزل في مقاس اللبس ومبينزلش وزنهم وده بيجبلهم احباط وانا اول الناس دي
فيبقا الميزان بطرقتين حسب حرية كل واحده وايه اللي بيجيب معاها نتيجه احسن من حيث النفسية يعني
يعني الفرق هتتقسم حسب الميزان
في هيستخدموا المازورة
وفي هيستخدموا الميزان عادي
والاتنين هيقيسوا كل 10 ايام
يعني الاختلاف في طريقة القياس وليس ميعاد الوزن
كده خلصت اول نقطة
اللي هى تقسيم الفرق
ندخل ع اللي بعده بقا ……
أمنيتي أتغير للأحسن أمنيتي أتغير للأحسن 187750_28.gif فتكات غالية قوي Fatakat 187750 طنطا – طنطا