سلام عليكم الأول
بيقلي ايه بقا ياستي ان 95% من اللي بيعملو ريجيم ويخسو عليه بيرجعو لوزنهم قبل الريجيم ويمكن اكتر في اقل من سنتين
اي ريجيم في الدنيا + حرمان + جوع + اكتئاب
طيب حد سمع عن ريجيم اللقيمات
واللي سمعوه عنه حد قرا كتاب علم اللقيمات للدكتور الهاشمي
طيب حد فعلا نفذه ؟
للي مقراش الكتاب
او قراه بس تاه فيه ومش عارف يبتدي منين
لاي حد زهق من الريجيمات والدكاتره
لاي حد وزنها بيرجع تاني اول ماتبطل ريجيم
لاي حد نفسها في اكل معين بس مجبور عليها تاكل اكل مكتوب في جداول وهيا مالهاش نفس ليه
حميه اللقيمات هيا الحل
1- لانها تنفيذ لسنه الرسول صلي الله عليه وسلم
ارجعو لحديث اللقيمات يقمن صلبه
اون كان لامحاله فثلث لطعامه وثلث لشرابه وثلث لنفسه
كلنا قرينا الحديث بس حد فعلا طبقه
طب يلا نطبقه
من الاخر
الريجم ده بيتكون من 3 أجزاء
1- اللقيمات ودي عددها من 5 _ 10 لقيمات في اليوم الفرق بين كل لقيمه والتانيه من ساعه ونص لتلات ساعات
2- وجبه الا محاله ودي الوجبه المفرحه
3- لقيمات تحفيز نقطه الاشباع ودي عددها 5 او 7 وورا بعض
مش فاهمه حاجه ؟؟؟
طيب واحده واحده
الفكره ان اي حاجه تخطر علي بالك سعادتك هتاكليها .. اي حاجه ( محشي .. مكرونه بالمشمل .. شكلاته . كنافه .. بسبوسه …. ) وهتخسي
بس في عنصرين مهمين
امتا ؟؟؟ و الكميه قد ايه
اولا الجزء الاول وهوا اللقيمات وعددهاا من 5 الي 10 لقيمات والفرق بين كل لقيمه والتاني من ساعه ونص لتلات ساعاتدي بتتكون من كوبايه من اي مشورب اتوجد علي الارض ( شاي .. بيبسي . ميا . عصير … اي حاجه ..)
وبعدها بعشر دقايه
اي صنفين اكل يجو علي بالك بس في حجم نص الكف
مثلا .. ربع رغيف معاه اي غموس وكوبايه ذبادي
ثمره فاكه ..( اي فاكه مفيش حاجه ممنوعه )
مثلث بيتزا
الخ الخ
اهم حاجه تكون حجم الاكل ده نص الكف
وبعدها بساعتين بتكرري اللقيمه دي من 5 الي 10 مرات
الجزء التاني وده في نص اليوم كده
بتاخدي كوبايه اي مشروب زي اللقيمات اللي فاتت
وبعدين بعدها بعشر دقايق 3 جبيات لوز او 5 فول سوادني
دي بقا كل ساعه لمده 5-7 ساعات ورا بعض في النص اليوم
الجزء الاخير الوجبه المفرحه
دي بقا بتحطي تلات اطباق متوسطي الحجم
طبق فيه ( نص كوبايه خضار مطبوخ .. نص كوبايه اي نشويات ( رز . مكرونه .. بطاطس ) واي قطعه بروتين ( لحمه .سمك .فراخ ) في حجم كف ايدك
الطق التاني فيه كوبايه ونص اي خضروات وتحطي عليه معلقتين كبار زيت زيتون
الطبق الثاث سيبيه فاضي عشان تجسي انك بتطبقي حديث الرسول وثلث لنفسه وتاخدي الثواب كمان
وطبق صغير فيه معلقتين اي حلويات موجوده ( شوكلاته او بسبوسه او قطايف اي حااااجه )
طيب ياقمرات انا هديكو مثال ليوم من ايام النظام الغذائي ده عشان تفهمو اكتر وطبعا ده مش الزامي لان مفيش حاجه انتي محرومه منها
8 صباحا … كوبايه لبن . ربع رغيف جبنه نستو وزبادي
10 ص .. كوبايه ميا .. تفاحه
12 ص .. عصير راني .. حته شيكولاته
2 ظهرا .. بيبسي .. 3 لوزات
3 ظ كوبايه لبن … 5 فول سوداني
4 عصرا مياه .. 3 لوزات
5 مساءا… عصير بست .. 3 لوزات
6 مسائا.. عصير بست .. 5 فول سوداني
8 مساءا .. نص كوبايه باميه و نص كوبه مكرونه و قطعه لحمه و كوبايه ونص سلطه بزيت الزيتون و قطعه بسبوسه
10 مساءا .. عصير مانجه … ونص مثلث بيتزا
طيب فيه شويه نصايح للي لسه هيبتدو
1-النظام ده مينفعش لاي حد عنده اي مرض لازم استشاره الدكتور اولا
2- اللقيمات تتكرر كل ساعتين او تلاتع
3-في الأول يفضل ان تكون اللقيمات من صنفين بس ويكرر طول اليوم .. يعني مثلا موزه وربع رغيف لانشون طول اليوم واليوم اللي بعده صنفين تانين وهكزا يفضل وليس الزاميا
4-الوجبه المفرحه تفضل اخر النهار او بليل
وفي الاخر عايز اووضح ان النظام ده هيبقا اسلوب حياه طول عمرك
والخسسان عليه يبقا بمعدل اقل عن الريجيمات التانيه بس مش بترجعي للوزن الاولاني ابدا ان شاء الله
وطبعا كل الكلام ده من كتاب علم اللقيمات لدكتور الهاشمي كل اللي انا عملته اني لخصته للي مكسل يقراه او مش عارف يجيبه او تاه فيه
واخيرا وليس اخرا لاتنسو الدعاء لأمي بالرحمه وقراء الفاتحه عليها …
اي استفتسارات انا موجوده
والسلام عليكم ياقمراااااااااااااااات
مها عطالله مها عطالله فتكات حبوبة Fatakat 827069 دبي – الامارات