صباح الخير على أحلى فتوكات
ازيكم وان شاء الله تككونوا بخير
بصوا بقى انا عايزة اى حد يقولى أعمل ايه
بس يا ريت ميكونش الحل التمارين الرياضية لان بجد معنديش اى وقت
لان شغلى بيحتم عليا اكون متواجده طول الوقت
بجانب شغل بيتى من اكل ونظافه وكمان زيارات عائليه
وعندى ابنى ادعولى ربنا يخلهولى يارب عايز طبعا اهتمام بالغ بس هو سبب مشكلتى
بجد انا قلت محدش هيحل مشكلتى غير الفتوكات لانهم طبعا كلهم خبره وستات بيوت ممتازين
اتكلمت كتير بس اعذرونى هادخل فى المشكله
انا كان جسمى تحفه بجد يعنى كان الكل بيحلف بيه
والجميل انه متغيرش بعد الجواز خالص بس للاسف بعد الولاده مش هقولكم بقيت تخينه وكده
لا انا جسمى زى ما هو بس للاسف ولادتى كانت قيصرى طبعا المشكله عندى منطقة البطن
هى مش باينه فى اللبس بس طبعا انا ملاحظاها لان قبل وبعد الجواز مكنش فيه بطن خالص
بس بشوفها وكمان بقيت مكسوفه اوى قدام جوزى تعرفوان ان بتعمد انه ميشوفهاش خااالص
حتى كان حابب يشوف الجرح رفضت برضو بجد مضيقانى جدا مش هقولكم باكل كتير لا فى العادى يعنى
شوفوا انا بقالى دلوقتى 5 شهور ونص على الولاده بجد فقدت الامل ان بطنى ترجع زى الاول لان ملبستش حزام بعد الولاده علشان الجرح طبعا
بس من حوالى شهرين حاولت البس حزام كان عندى بس استرتش كله مش هتصدقوا لو قلتلكم ان بطنى حسينت انه زاد لما لبسته
يعنى حسيت انه بياخد على وضع معين واول ما افكه الاقى عضلات بطنى حصلها ارتخاء وزادت اكتر
رميته طبعا وقلت الحل هنا اكد لانكم طبعا اصحاب خبره كتير
هو فعلا الحزام بيعمل كده والا انا غلطانه
طولت عليكم بس بجد مش عايزه اتعقد وعايزة حل بسررررررررررعه
galatia galatia 612747_27.gif فتكات ست الكل Fatakat 612747 الزقازيق – مصر