فى الحقيقه اكتر من اخت سألتنى عن حلويات دايت
الحلويات دى من اختراعى يعنى مش منقوله من حد
بعد ما كتبتها فى موضوعى قلت اكتبها فى موضوع مستقل ليستفيد الجميع
لدرجه ان لما قلت للدكتور عليها قالى انت لازم تاخدى براءة اختراع انا حقول لزباينى عليها
1- الجيلى
لتر عصير فاكهه طبيعى (برتقال- جوافه- فراوله- كنتالوب)
3 ورقات جيلاتين
سكر دايت ويفضل نوع بودره لسهولة الاستعمال
يصفى العصير ويضاف له السكر حسب المذاق
ينقع الجيلاتين فى قليل من الماء حتى يطرى ثم يرفع على نار هاديه جدا حتى يذوب دون ان يغلى
يضاف للعصير
يصب فى اكواب ويوضع فى التلاجه حتى يجمد
طعمه تحفه على الاقل عصير طبيعى
ملحوظه :بالنسبه للفاكهه الحامضيه يجب ان تغلى غلوة واحده اولا حتى لا تبطل مفعول الجيلى
انتظرونى فى 3 وصفات اخرى
حاكمل هنا احسن
ثانيا
الجرانيتا
كوب عصير اى نوع يحلى بسكر الرجيم
يوضع فى ماكينه الجيلاتى حتى يتماسك
يصب فى قوالب التلج ويوضع فى الفريزر
لجعله سوفت يضاف ملعقه كريمه لبانى
ممكن عمل نفس الطريقه مع الزبادى الدايت يحلى ويوضع فى ماكينه الجيلاتى
ثالثا
الكريمه او الكريم كراميل
بيضه– ذرة فانيليا– كوب حليب– سكر دايت (4 اكياس سكر دايت )
يخلط جميع المكونات
يصب فى مج ويوضع فى الميكرويف لمده 2 دقيقه ليتماسك
طعمه جميل جدا
رابعا
الكيك
بيضه – ذرة فانيليا -ملعقه دقيق (او شوفان او جنين القمح)
نص ملعقه بيكنج بودر -3 ملاعق حليب – ملعقه صغيره زيت ( من غير الزيت طلعت مجلده جدا )
تعمل بنفس خطوات الكيكه وتصب فى مج وتدخل المكرويف لمدة 2 دقيقه
فى حالة استخدام الشوفان او جنين القمح خلى القوام سائل اكتر
انتوا لاحظتم انى دايما باعمل كميه صغيره فى المج
اللى عاوز يعمل كميه كبيره يضاعف المقدار
اى سؤال انا فى الخدمه مواضيع هذا القسم برعاية
tota1234 tota1234 سوبر فتكات Fatakat 126066 القاهره – مصر