بصوا يا اخوات انا هدخل في الموضوع علي طول
أحنا في بدايه عام هجري جديد كل سنه وانتوا طيبين وربنا يجعل هذا العام علينا احسن من كل حياتنا اللي عديت
فهو ولي ذلك والقادر عليه
المهم انا جتلي فكرة نعملها من اول السنه مع بعض ويكون لينا هدف سنوي نعمله مع بعض ونحاسب بعض عليه اخر السنه
ان شاء الله بس لينا متابعات مع بعض طبعا يوميه ومحاسبه اسبوعيه ومحاسبه شهريه
مش هنسيها كده ونقول نتقابل اخر السنه علشان منكسلش
انا هقولكوا الاهداف اللي انا حطيتها لنفسي ولو أخت قراتها وعجبتها وحبيت تشاركني الاهداف ونحققها سوايا تشترك
اولا: انا رسمه لنفسي خطه السنه دي ان احفظ علي الاقل 10أجزاء من القرآن
ثانيا : هدرس علي الاقل مادتين او 3شرعيه منهم العقيده لانها سبيل للنجاه من النار وسيرة أشرف الخلق لانها بتغير كتير في حياة اللي بيقرأ عنه ومخططه لنفسي ان هأخدهم دورات
ثالثا : هزود الطاعات وهدخل السنن بالتدريج لان ربنا قال في حديث قدسي ولايزال عبدي يتقرب إليا بالنوافل حتي احبه واشتريت كتاب صغير اسمه أكتر من 1000سنه وقررت اطبقه تدريجيا ادخل سنه سنه واتعود عليها لحد ما احفظهم واطبقهم كلهم باذن الله
رابعا: قررت أتحسن في شغلي يعني هحتاج اتعلم برامج حاسبات وسرعه الكتابه والتنسيقات بتاعه الاوفيس عشان احسن نفسي وهتعلم لغه انجليزيه.
خامسا: قررت أهتم بنفسي هعمل رجيم وههتم بالرياضه بنيه الحفاظ علي صحتي لان ربنا هيسألني عليها وههتم بشعري وبشرتي ونفسي لان الرسول قال من كان له شعراً فليكرمه وكمان ربنا هيسألني عني
سادسا: ههتم بنظافه مكاني وبيتي
سابعا: ههتم برضا الوالدين وصله الرحم وعلاقاتي الاجتماعيه
ثامنا : طبعا نفسي أتخطب وأتجوز بس دي مليش فيها سبيل إلا الدعاء
بس كل الاهداف دي انا عارفه ان اللي هتقراها هتقولي دي أهداف عامه مش قابله للقياس ومن غير خطه
بس انا حطالهم كلهم خطط وبجهز فيهم بخطط تحقيقهم وفق امكانياتي من بعد رمضان
اللي عجبها أهدافي وتحب تحقق منها حاجه معايا تشترك معايا وهيبقي في متابعه وهنزل خطط كل هدف علي مدار اليوم
بس المهم أعرف كام واحده هتابع معايا علشان نشجع بعض وننافس بعض
مجروحه اخر حاجه مجروحه اخر حاجه 710476_1.gif فتكات حبوبة Fatakat 710476 القاهرة – مصر