السلام عليكم ورحمة الله وبركاته
بقالى كتير ما كتبتش موضوعات
لانشغالى بالدراسة دعواتكم ليا ان انجح
واتفوق فيها علشان ماستر ولسة فى التمهيدى
وعلى راى الست وردة لسة فى اول عيد
اييييييييييييييييييييييييييييه يا ست
ادخل فى الموضوع
الباب مفتوح اهوه
بداية الموضوع المشكلة الكبرى او المدعى بالحق المدنى
الطقم الصينى
طيب تيجى نبدأ فى الموضوع
اولا احنا بنجيب الطقم الصينى ليه؟؟
علشان نفسنا ولا الضيوف ؟؟
هقولك على المفيد فى كلمتين
فيه ناس بتحب انها تجيب صينى علشان كلام الناس
احب اقولك اتلهى من اولها بقى
تانى حاجة لو هتجيبه فى النيش علشان تقسميه نصه
فى المطبخ ونصه فى النيش يعنى هتستخدميه
اقولك تبقى
صاحبى وحبيبى وكفاءة
تالت حاجة لو مش لاقية حاجة او موديل يعجبك خدى فكرتى يمكن تعجبك وعلى راى المثل
خدى فكرة واشترى صينى لبكرة
اولا فكرتى انا ضد الصينى وضد النيش عامة كدة علشان محدش يقول انى انسان متحيز
اول حاجة انا مش بحب الصينى وعاوزة الدولاب بتاع الفضية يبقى شكل تانى من ناحية
انا عندى صينى فى المطبخ يبقى اجيب ليه تانى تومام
تانى حاجة انا جبت فى النيش او ما يسمى بدولاب الفضية
طقم اركوبيركس 60 قطعة والاطباق كل ما فيه 6 طيب
هنحل المشكل ازاى يا حزومبل
فكرت وقررت لما شفت ان طقم الاركوبيركس فيه منه اطقم عشا محتواها 19 قطعة 6 اطباق من كل نوع ونفس الشكل بتاع طقم السفرة وبكدة الاطباق بقيت 12 والسفرة هتبقى كلها شكل واحد
الفكرة رقم اتنين
مستغلسة شكل الاركوبيركس
فيه اشكال من الاركوبال حلوة وجديدة وممتازة
زى دول
وفيه ده
الفتوكات هيقولوا لى انهم اعداد قليلة هقولك الحل بس الصبر عليا
*اولا سعر الطقم بيبقى فى حدود 700 جنيه وحوالى 44 قطعة
**تانى حاجة لو جبتى طقمين منهم هيبقى العدد 88 قطعة
وب 1500 جنيه طيب اقل طقم صينى شيك بكام؟؟
***تالت حاجة شكله جديد ومش موجود فى الصينى حاليا التناغم فى الالوان او الشكل حتى وهتبقى كل حاجة فيهم فى العدد بتاع القطع 12 وتبقى حليتى المشكلة
ها ايه رأيكم فى الفكرة ؟؟
لو لقيت اقبال اعملى لى تقييم حلو زيك يا فتوكة
نوشا نايت سابقا نوشا نايت سابقا فتكات ست الكل Fatakat 816615 الهرم – الجيزة