السلام عليكم ورحمه الله وبركاته
فتوكاتي حبيباتي
ربنا يبعد عنكم الشر والمرض يارب انتو واحنا وجميع المسلمين يارب
والمريض ربنا يشفيه شفاء لا يغادر سقما يارب
انا هكتبلكو دلوقتي عن موضوع مهم اووووي يا بنات انا مكنتش اعرف عنو حاجه خالص غير لما وقعت فيه الحمد لله
وجيت علشان احذركم واقولكو تجربتي علشان تستفيدو لو عندكم حاله زي كده بعد الشر عليكم علشان متحتاسوش زي ما انا كنت محتاسه
مبدايا انا مش دكتوره ولا ليا علاقه بالطب
بس انا بكتب من خلال تجربتي الشخصيه وانا قرات كتير اوي في الموضوع ده لانو جالي ومامتي جالها كمان والحمدلله على كل حال
المهم علشان ما اطولش عليكو هكلمكو النهارده عن 3 حجات
(الشرخ الشرجي-البواسير-الخراج الشرجي)
اولا يا بنات هنتكلم عن الشرخ الشرجي
ايه هو الشرخ الشرجي؟
اسمو كمان الشق الشرجي
هو شق أو جرح تلقائى يحدث في جلد القناة الشرجية وقد يلاحظ هذا الشق بوجود دم أحمر فاتح من فتحة الشرج على ورق التواليت، وأحيانا في المرحاض
انا جبتلكو التعريف بتاعو من عالنت علشان يكون ادق وهو واضح
هو الشق عباره عن جرح في الجلد بتاع الشرج من جوا وبيختلف العمق يابنات على حسب كل واحد اتجرح فين
احيانا ممكن الشخص يكون اتجرح قريب من فتحه الشرج زي كده
زي ما انتو شايفين كده الشق على فتحه الشرج من الطرف وبيصاحب الشق زائده جلديه من برا زي ما الصوره مبينه
واحيانا يكون الشرخ جوا اكتر زي كده
رقم 3 زي ما انتو شايفين
واحيانا وانا بيكون شكلو كده
وانا بقول ان هو تقريبا كلو بيبدا بسيط زي الصور اللي فاتت بس لو اهمل ممكن يتحول لكده زي الصوره دي
وزي ما انتو شايفين في زائده جلديه بردو في ده
طيب الشرخ ده بيجي من اييييييييييييييييييييييه؟!!!!!
الاجابه
.
.
.
.
الامسااااااااااااااااااااااااااااااااااااااااااك
شفتو حاجه سهله ازاي
علشان كده هو بيجي بسهوله اووي بس الالم كبييير جدا وبيخف بصعوبه
الامساك ده خطيير جدا وانا مكنتش اعرف الكلام ده قبل كده
الشق الشرجي هو تمزق الأغشيه المخاطيه المبطنه لفتحة الشرج ، نتيجة للإمساك غالباً، و تحدث ألالاماً شديدة أثناء التبرز مصحوباً بالنزيف أحياناً ، و تكثر معاناه الأطفال و كبار السن من هذه المشكله بسبب الإمساك و الجفاف و قله تناول الألياف و السوائل خلال اليوم.
فالواحد لما يجيله امساك يا بنات البراز اللي بينزل بيكون سمكه كبير وناشف فلما بينزل ممكن يجرح الغشاء المخاطي المبطن لفتحه الشرج
وده سهل اوي حدوثه يابنات لان الجلد في المنطقه دي حساس اوي ربنا يعافينا واياكم يارب
هل الامساك بس سبب الشق الشرجي؟؟
الاجابه :لا
الاسهال كمان شفتو بئى
والجنس الشرجي (حرااااااااااام)
الولاده احيانا
والتهاب الشرج
بس السبب الرئيسي هو الامساك زي ما قلنا وده الشائع
ومرور براز كبير الحجم, مما يؤدي الى شد وتوسيع فتحة الشرج
ازاي الواحد يعرف ان عندو شرخ؟؟
اولا :الم في منطقه الشرج الم جامد وبيزداد كل ما الواحد يدخل يتبرز لدرجه انك مش بتبقي عايزه تدخلي الحمام من كتر الالم
ولازم تاخدي ملينات لان البراز الصلب بيزوج الجرح واصلا مش هتتحمليه
ثانيا:دم بس مش كتير يعني قطرات ممكن تلاقيها وانتى بتنشفي بالمناديل
ثالثا:هتلاقي نفسك مش قادره تقعدي كمان من كتر الالم
رابعا : حكه تحسب انك عايزه تهرشي جامد وده خطر لو الواحد هرش بيزود الجرح علشان كده بيقولو لو عندك شرخ غطي ايدك او البسي جوانتي وقصي ضوافرك علشان متعوريش ننفسك بالغلط ومتهرشيش
طيب خلاص عرفنا ايه هو الشرخ وبيجي من ايه واعراضه دلوقتي بئى عايزين نعرف لو جه الشرخ لا قدر الله نعمل اييييييييه وايه هو علاجه؟؟؟
اولا لازم لو جالك شرخ تهتمي بيه جدا لانك ازا اهملتيه ممكن لاقدر الله يتحول لامراض تانيه زي سرطان المستقيم ربنا يعافينا يارب
العلاج بئى:
اولا: تقعدي كل يوم في ميه دافيه شر دقايق ولو عايزه اكتر براحتك وبعد كل تبرز كل ما تقعدي في الميه الدافيه اكتر كل ما تخفي اسرع لان الميه الدافيه بتخلي العضله ترخي (لان يابنات من الالم بتكون العضله منقبضه اوووي والدم مش بيوصل للجرح) فالميه الدافيه بترخي العضله فبالتالي الدم بيوصل للجرح وبيسرع التئامه باذن الله وممكن تضيفي في الميه دي لافندر بيساعد على ارتخاء العضله او ملح علشان تعقيم الجرح لاننا هنعرف بعد كده لو الجرح اتلوث ممكن يعمل ايه
ثانيا:المليناااااااااااااااااااااات مهمه جدا طول فتره العلاج كل يوم تاخدي ملين لان من غير الملين الجرح هيفضل يتفتح تاني
افضل ملين طبيعي هو (لاكتيلوز) بتاخدي 3 معالق كبار على ربع كبايه ميه بعد الغدا او بعد العشا بالليل قبل ما تنامي
وفي كمان ملين اسمو (بيكولاكس) بتاخدي 20 نقطه بعد الاكل او قبل النوم
وفي ملين تالت اسمو (لاكسيول بي) بتاخدي حبايه واحده بعد الاكل او قبل ما تنامي
التلاته حلوين وانا مجرباهم
ثالثا: كريم اسمو (بروكتوسيديل) وده بتدهني منو (على الجررررررررح) مش من برا لازم يلمس الجرح تدهني منو مره الصبح ومره بالليل ومره بعد كل تبرز وده سعره 7جنيه
وفي لبوس كمان منو (لبوس بروكتوسيديل ) ممكن تجيبيه مع الكريم وممكن تكتفي بالكريم لوحدو
الكريم ده على فكره فيه كورتيزون وانا لما سالت الدكتوره قالت لي ان الكورتيزون حلو في الحجات دي هو اللي بيخليها تخف بسرعه
في كريم تاني يابنات حلووو اوووي احلى من بروكتو سيديل بس غالي اسمو (prepation G.T.N)
هي علبه كبيره كده ب 80 جنيه جواها علبتين وممكن تجيبي علبه واحده من جواها ب 40 جنيه هو مستورد وده افضل علاج بس ممكن لو حالتك خفيفه تستخدمي بروكتو سيديل مش هتحتاجي ده
بس بروكتو سيديل حلوو اووي وانا لما جالي استخدمته وخفيت عليه الحمدلله بس لما رجعلي تاني بقيت استخدم ال prepation G.T.N وهقولكو رجعلي تاني ليه بعدين
رابعا: مخدر موضعي ليجنو كايين 5% او 2% بس انا كنت بستخدم 5%
وده بتدهنيه قبل ما تتبرزي على الجرح بردو بتدهنيه فمش بتحسي بالم عند التبرز
خامسا: في دوا اسمو دافلون تاخدي حبايه كل يوم يوم بالليل
يبقى هلخصلكو العلاج تاني على هيئه روتين علشان متتلغبطوش
اول ما تصحي من النوم تدخلي الحمام تدهني مخدر موضعي ليجنو كايين وبعد ما تتبرزي اشطفي كويس اوي وقومي اقعدي عشر دقايق في ميه دافيه فيها ملح او لافندر او ميه دافيه بس وبعدين تنشفي كويس وتدهني كريم بروكتو سيديل او بريبيشن وبس
والميه الدافيه مش شرط بعد البراز لا براحتك ممكن تفضلي قاعده فيها طول اليوم
الكريم زي ما قلنا مره الصبح ومره بالليل وعند كل تبرز
والمخدر قبل ما تتبرزي علشان متحسيش بالم
والملين بعد الغدا او بعد العشا قبل ما تنامي
ودافلون حبايه بالليل
طيب الحمدلله خفيت والشرخ راح ومبقتش احط مخدر ومش حاسه بالم خلاص كده اوقف؟؟
لا الكريم تفضلي تستخدميه لمده اسبوع حتى لو خفيتي
والملينات تاخديها بردو عالاقل اسبوع
لاني بعد ما خفيت وقفت يابنات الملينات ووقفت الكريم اتجرحت تاني
تشربي عالاقل 8 كبيات ميه في اليوم
تاكلي الياف كتير
كلي خضار وفاكهه وسلطه
متخليش عندك امساك ابداااااااااااااااا
دي الطريقه المثلى للجلوس على المرحاض للمصابين بالشرخ ده لان الوضعيه دي بتسهل نزول البراز وممكن توطي بحيث بطنك تلمس ركبتك
الشرخ يابنات لو مخفش بطريقه طبيعيه او لو اهملتي علاجه والحاله تدهورت بيكون في تدخل جراحي وبتعملي عمليه
بس لو اهتميتي من بدايته ان شاء الله هيخف ومش هتحتاجي للعمليه
انا كده خلصت يابنات الكلام عن الشرخ والمشاركات الجايه هكلمكو عن البواسير والخراج بس مش دلوقتي لاني تعبت من القعده عالكرسي وانا بكتبلكو
وقميو علشان الموضوع يتثبت ويشوفو اكبر عدد ممكن لان الموضوع ده مهم جداااااااا
ولو افتكرت حاجه تانيه هكتبهالكو
وادعولي ربنا يشفيني ويشفي امى وجميع مرضى المسلمين
تابعونيييييي
ان شاء الله لما اكتب عن البواسير والخراج هضيف المشاركات في اول صفحه
.
.
.
.
باقي الموضوع
تعملي ايه لو جالك حساسيه بسبب الكريم؟
*حنين الشوق* *حنين الشوق* 554167_6.gif فتكات رائعة Fatakat 554167 القاهره – مصر