السلام عليكم
معلش يا بنات انا عارفة ان الموضوع غريب شوية بس انا فعلا هتججنن
انا سمعت كتير عن الحسد وتاثيره وان الناس ممكن تحسد الحامل بس هو هل الزوج الى هو اقرب حد للزوجة ممكن يحسدها
متستغربوش هكيلكم وتحكموا
اول حملى كان ماشى زى الفل والبيبى الله اكبر عليه كان زى الفل وماشى فى ميعاده ومكنتش حاسة بالحمل اصلا وكنت بهد الشقة عندى وكان زوجى بيجى معايا عند الدكتورة ويمكن دى غلطتى
كذا مرة بقى لما ابقى وسط ناس واحس بدوخة ولا تعب من بتاع الحوامل يقولى ايه ما الدكتورة قايلالك ان حملك ماشى احسن من اى حامل ادام اهله
والله من ساعتها وانا فى مرار وف دوامة مرة طلق مبكر والالتهابات مبهدلانى ومفيش علاج جايب فيها نتيجة والحمل بقى صعب عليا جدا ومبقتش بعرف اتحرك حتى من السرير
حاجة تانية انا من اول حملى وانا ما شاء الله كنت بشرب كيلو لبن فى اليوم ومكنتش بتعب منه ولا حاجة كان كل ما يشوفنى بشرب لبن يقولى كل دا مج لبن وبتححجى بالعيل
ويجى ادام اهله ويقول دى بتشرب مج اللبن اد كده
اقسم برب العزة من ساعتها لو شربت بق لبن برجعه ومش طايقاه خالص
حاجة تانية كنت باكل عسل اسود كل يوم وكانت نسبة الانيميا كويسة اوى قعد يقولى مش ملاحق على برطمانات العسل الى بتشربيها ودلوقتى والله نفسى كرفت من العسل خاااااااااالص
ممكن تقولوا اننى ببالغ بس والله دا الى بيحصل وعايزة حكمكم انا بقيت اخاف اقوله اى حاجة كويسة عنى او عن جنينى بقيت بخاف منه وبيروح يقول ادام الناس ربنا يسامحنى ف الى بقوله بس انا فعلا محتارة والموضوع مضايقنى جداااااااااا
اللهم اهدنى فيمن هديت اللهم اهدنى فيمن هديت فتكات متميزة Fatakat 1060905 القاهرة – مصر