السلام عليكم
في يوم من الأيام النااااااادرة جدااااااااا
قرر زوج الفتوكة اعطائها عطلة منزلية عارفة ان الموضوع ما يطمنش ( ربنا يستر لا يكون ناوي على جوازة )
و يشمل القرار الآتي
1- سيقوم الفتوك المحب لزوجته بترتيب السرير .
2- سيقوم الفتوك المحب لزوجته بإطعام الحيوانات :sAni_cho co: .
3- سيهتم الفتوك المحب لزوجته بترتيب اي حاجة هو اللي خربها .
4- يشمل القرار اعداد الفتوك المحب لزوجته وجبة الغداء ( و ربنا يستر لا يجينا تسمم ) .
5- يتم صرف مكافأة مادية للفتوكة الجميلة لو صبرت عليه اليوم كله من غير ما تصوت و لا تقتل نفسها .
كانت نتيجة البند الرابع من القرار أكلة رهيبة جداااااااا و كان ممكن الفتوكة تاكل صوابعها وراها
و طبعا مش حتحرم الفتوكات من الوصفة خصوصا انها مليانه فوايد لأنها كلها خضروات و اولادك حيحبوها لأن طعم الخضروات مش باين و بالعكس دي كلها طعمة الفراخ طاغية عليها
أتاري الفتوك مبدع في المطبخ و كان محتفظ بالسر سنين طويلة
بس ايييييييييه هاهاااااااا انا اكتشفت السر و مش حعتقه من دخول المطبخ نيااهاهاهااااااا
احم احم يللا بقى بلاش حركات أفلام و ندخل في المفيد
أولا يا ستي
قطعي الكرمب الملفوف شرايح و الجزر ابشريه كمان و قطعي الفاصوليا الخضراء حلقات صغيرة و البصل الأخضر و البروكلي اعمليه كأنه وردات و كمان كرمب الزهرة يتقطع زي البروكلي و جهزي ده كله جنبك كده
بعديها حطي حلة واااااااسعة على النار و حطي فيها شوية زيت و خليها تسخن أوي أوي
بعد كده ابتدي حطي الخضار بالواحدة في الحلة و قلبي بسرعة لعند ما قوامها يتغير و دول حنشرحهم بالواحدة
أولا حنحط الكرمب الملفوف و نفضل نقلب فيه لحد ما يذبل و يقل حجمه نحط عليه نقطتين بس صلصة الصويا و دي بقى بتتباع جاهزة في السوبر ماركت و نشيله بعد كده نحطه في حلة تانية و نغطيها
نيجي بعد كده للجزر و معاه الفاصوليا و نعمل نفس الخطوة اللي فاتت
بعد كده البروكولي و الكرمب و الخطوة دي حتاخذ وقت اطول شوية من الباقي لأن حنحطهم و نوطي النار على الاخر و نحط عليهم مقدار نص كباية مية و اربع معالق صويا و نغطيهم و نخليهم خمس دقايق تقريبا او لحد ما يستووا و هم بقى حيكونوا متقطعين صغير و مش حياخدوا وقت كتير معانا
ده شكلهم بعد ما استووا
و دلوقتي نحط البصل الأخضر و الفراخ مع بعض
اخر خطوة ان ندوب ربع كباية صويا على كباية مية على ملعقة صغيرة نشا و نحطهم على النار يتسبكو مع بعض ثم نحطهم على كل المقادير اللي فاتت و نخلطهم كويس أوي
و ادي النتيجة النهائية تاتااااااااااااا
و بالهناء و الشفاء يا حلوين
ملحوظة : الأكلة ما يتحطش فيها لا ملح و لا بهارات لأن الصويا اساسا مالحة و متبلة .
مواضيع هذا القسم برعاية
الشيف إيمان الليبية الشيف إيمان الليبية سوبر فتكات Fatakat 599908 Santa Cruz – Bolivia