السلام عليكم يا فتوكاتى
انهاردة هنعمل مبكبكة
اكلة ليبية روووووووووعه بجد
وسهلة اووى وميزتها انها بتتعمل باى خضار عندك وكل حاجه تنفع تضيفيها عليها
سواء خضروات او بقوليات او لحمه او فراخ الى تحبييه
كمان مش بتاخد وقت خالص نص ساعه تكونى مجهزة احلى غذاء
وللى عندهم ولاد ومش بيحبوا الخضار
مع الطبق ده هياكلوه ويحبوه كمان
وليها ميزة تانيه انها بتدفى اووووووووووى فى الشتاء
وكمان بتتعمل كلها فى حلة واحده من غير اى مواعين ولا مجهود
كمان بتقضى عدد ما شاء الله لانها بترمى جدااااااااااااااا
ومهما قللت فيها بلاقيها فيها بركة سبحان الله
نبدأ بسم الله
المقادير
ربع كيلو مكرونة اى نوع مفضل عندك انا استخدمت مكرونه نص دائرة
نص كيلو لحمه مقطعه قطع اكبر من الشاورمه شوية
بصلتين كبار مقطعيين
كوب حمص شام منقوع ومسلوق
كوب عدس بجبة
كوستين مقطعيين
فلفلتتين رومى مقطعيين
جزرتين مقطعيين
ملح وفلفل وبهارات وحبهان وكركم وزنجبيل وشطه وقرفه
مكعبيين مرق دجاج
نص كيلو طماطم معصورة
معلقتين صلصه طماطم للون
زيت عباد او ذرة
طبعا الخضار زى ما قلت براحتك ده الى كان عندى ساعات بزود بسلة وفاصوليا
الى موجود هينفع مفيش مشاكل
الطريقه
هنحط الزيت فى الحله واما يسخن نزل عليه بالبصل
وبعدين نضيف الحمه ونقلب
ثم البهارات
وبعيدين الطماطم والصلصه
وانا تفك نزلت عليهم بالحمص والعدس
وبعدين
وبعدينالكوسه والفلفل والجزر
وفى الاخر البطاطس
وبعدين المكرونة وطبعا من غير سلق
ولو لقينا الطماطم اتسبكت قوى بنزود مايه او شوربه
وده الشكل النهائى
لو تلاحظوا لازم تيبقى فيها صوص زياده
وتتاكل وهى سخنه لانها لما تبرد بتمسك فى بعضها
بجد تجنن يا بنات وبتدفى جدا فى البرد
ولو بردت ممكن تسخن على نار واطيه جداا وتتزود شويه مايه صغيريين
زوووووووووم
اتمنى تكون عجبتكم وتجربوها
واى سؤال انا تحت امركم
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى