يامشرفة الله يخليكي وبالله عليكي ماتنقليش موضوعي قسم الحوامل لاني كتبته هناك وماحدش رد عليا وانا تعبااااااااااااااانة ومحتاجة حد يقف معايا ،، وانا عارفة ان هنا فيه امهات وكلهم مرروا بتجارب الحمل وعايزاهم يفيدوني
السلام عليكم ورحمة الله وبركاته
بالله عليكم بالله عليكم بالله عليكم ، انا هقولكم على اللي بيحصللي وطمنوني لأني مش عايزة دماغي تشت ناحية تفكير تاني
انا الحمدلله اول ما حملت كان وحمي وحش اوي زي معظمكم وماكنتش بطيق حاجة والكلام دة فضل معايا لغاية الشهر الرابع ما خلص، والشهرين (الخامس والسادس) الحمدلله كنت كويسة جداااااا ، والمشكلة الكبيرة أول ما أبتدى الشهر السابع بيحصلي أعراض متعبة جداااا
1- رجعلي الوحم تاني ومابقتش باكل حاجة الا أما أرجعها، ولو جت سيرة الأكل قدامي بحس ان معدتي بتقلب ولا حتى بقيت استحمل ريحة أي حاجة
2- نفسيتي بقت زي الزفت بجد زي الزفت مش عارفة ليه، مابقتش طايقة حد حواليا خالص ومشاعري متلخبطة دايما شوية فرحانة والأكتر مكتئبة ، وعياااط عيااااط عيااااااط
3- لما بنام ان شالله ساعة واحدة بس بقوم على فزع وخوف من غير سبب والأقي قلبي بيترعش كدة ودراعاتي منملة وصدري حارقني وممكن الوضع دة يستمر شوية صغيرين وممكن يستمر لباقي اليوم
4- ضغطي بقى عالطول واطي
5- التنفس بالنسبالي بقى صعب وبتخنق من أي حاجة
انا تعبانة اووووي، رحت للدكتورة بتاعتي كذا مرة قالتلي انتي مافيكيش حاجة انتي كويسة هو بس عشان البيبي بيكبر ممكن يكون بيريح على الحجاب الحاجز شوية،،، وعملتلي رسم قلب لقيته كويس، هو انا بس عندي انيميا ونسبتها كانت عالية شوية بس اتحسنت عن الاول ، والدتي وأختي بيقولولي ان دة من هرمونات الحمل وان شاء الله بعد الولادة مش هحس بأي حاجة من الكلام دة.. طمنوني بالله عليكم .. انا والله مش بشتكي لاني خدت عهد على نفسي مش هقول حاجة غير (الحمدلله على كل شئ) لكن محتاجة اللي يطمني ان الحاجات دي طبيعي عادي مع الحمل,, انا بقالي شهر على الوضع دة لاني دخلت التامن خلاص وماتتخيلوش اليوم بيعدي عليا ازاااي ،، لو ماكنتش ببقى تعبانة وكويسة ببقى خايفة واسأل نفسي أمتى هتعب تاني
Merat Gozy Merat Gozy فتكات متميزة Fatakat 1116106 القاهرة – مصر