ازيكم يا فتوكات
فى البداية احب اشكر روشا على تعبها فى المسابقة
واشكر كل اللى صوتلى فى المسابقة
والحمد لله فزت بالمركز الثالث
الف مبروك لباقى المتسابقات اخواتى وحبايبى
والكل كسبان الحمد لله
نبدأ بسم الله
بما ان الاكل لاسرتى عملتهم اكتر الاصناف اللى بيحبوها
فالمنيو بسيط وسهل شاركونى ويارب يعجبكم
المنيو
الاطباق الرئيسية:
رز بسمتى بالريش
بطاطس مطبوخة
سبانخ باللحمة
السلطات:
سلطة خضرا وسلطة بادنجان وكرنب مخلل
شوربة بالشعرية
الحلو بيتزا وجيلى بالفواكه
اولا :الريش
نغسل الريش كويس
نحمر بصل كتير ومعاه فلفل اخضر حامى
ننزل بالريش وفلفل اسود وورق لورا وفصين حبهان ومنحطش ملح دلوقتى
نزود ميه سخنة مش باردة ودى نقطة
مهمة جدا
لغاية ما تستوى بازود الملح وقدمتها مع رز بسمتى اصفر بقت شبه البريانى واحلى كمان
ثانيا:البطاطس المطبوخة
باحمر بصلة وبرضه معاها فلفل اخضر بيدى ريحة وطعم حلو
باسبك الصلصة
واحط الشوربة
(التكة المهمة للبطاطس )
اضيف فص توم واحد بيدى طعم مميز اوى للبطاطس
اسوى البطاطس وممكن تحطى خضار مشكل معاها
ده شكل السفرة
ده الرز والريش
دى البطاطس
باعملها بالطريقة العادية بتاعتنا
بس باحط لها حزمة كسبرة وحزمة شبت بتدى طعم جميل للسبانخ
وممكن تحمرى شوية رز وتحطيهم معاها وفى ناس بتحط حمص
المقبلات
بادنجان ابيض
الحلووووووو
جيلى بالفواكه
بيتزا بيتزا
على فكرة مش لازم تعملى سفرة طويلة عريضة علشان ولادك تنبسط
اعملى المتوفر واللى فى حدود امكانياتك وكفاية لمة الاسرة بتخلى للاكل طعم تانى
يارب تكون الوصفات عجبتكم
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية