السلام عليكم ورحمة الله
عملت محشي ورق عنب وكرنب وكوسة وشوربة بصل فرنسية رووووعة
جهزت اللحمة والخضرة وقطعتها وعملت خلطة المحشي وعملت الكوسة صنية زى طريقى مامتى بالظبط ربنا يشفيها يارب وهى بتحط طمطماية وتفرغها وتحشيها وترص حواليها الكوسة وتحتها ترص قلب الكوسة نفسها
نجى لشوربة البصل
حمرت بصل شرايح رفيعة فى معلقة زبدة لحد مابقى اللون اصفر غامق وبعدين حطيت باقى شوربة اللحمة بعد ما سقيت المحشى وبعدين حطيت معلقة كبيرة خلطة شوربة البصل الجاهزة وممكن لو مش متاحة ندوب معلقة نشا فى ميه باردة وبعدين نضيفها على البصل والشوربة ومكعب مرقة خضارعلشان تتقل ونظبط الملح وبعد ما تغلى وطيت عليها وجهزت طاجنين فخار اصغر مقاس ولازم يكون طبق فخار او سيراميك لانها هاتدخل الفرن وبعدين نحمص شريحتين توست أسمرفى التوستر او فى فرن كهرباء ولو حطيتيها فى الفرن الغاز لازم تاخدى بالك يدوب تحميص خفيف لئلا هاينشف
وبعدين نحط كل شريحة فوق الشوربة فى كل طاجن ونرش عالوش جبنة موتزاريلا وندخلها تحت الشواية لحد ما الجبنة تسيح
وفى النهاية مش عاوزة منكم غير اننا نحمد ربنا على نعمته التى لا تحصى وربنا يطعم كل مسكين وجائع
ولو فيها طمع ادعولى بالذرية الصالحة انا وكل بنات المسلمين يارب
مواضيع هذا القسم برعاية
ميرا المغتربة ميرا المغتربة 578687_1.gif فتكات رائعة Fatakat 578687 الخبر – السعودية