السلام عليكم ورحمه الله وبركاته
رساله لكل بنت بتسافر بالطياره وبتستهون بالحمل او عايزه تسافر
وطلب ورجاء تدعولي انا وضنايا حبيبي
انا في الاسبوع الاخير بالتامن واكيد بنات كتير هتعرفني هنا
لاني هنا من اول شهر
كنت مع جوزي في الرياض وكنت متابعه مع دكتوره كبيره اسمها جيهان بالسعودي الالماني
وانا وجوزي سالنا دكاتره كتييييييير جدا هل بنفع اسافر بالحمل بالتامن وكلهم قالو طبعااااااااا عادي
عملت كل التحاليل الازمه وتوكلت علي الله والدكتوره كتبتلي تقرير بالنزول اني حالتي تسمح
ظهرت مشكله قبل نزولي بيومين ان المايه قله وصلت نسبه 6
سالت الدكتوره هنزل ازاي وعرفت بردو انه عااااااااااااااادي
توكلت علي الله ويوم الخميس الظهر ركبت الطياره
اتغديت في الطياره ومكنتش حاسه باي حاجه غير بس عايزه اعمل حمام مايه اعذكم الله
قومت وقبل موصل الحمام حسيت ببحر في هدومي من تحت مولع
دخلت الحمام للاسف بقيت بحر دم لبست هدومي ومن الصدمه جريت علي المضيف وقولتلو دورلي علي
دكتور وضعي كذا كذا رد عليه يمنتهي البرود انا مليش دعوه مفهمش في الحجات دي
كلم الكابتن وندهو علي دكتور بقيت 3 دكاتره منهم واحد ابن حلال ساعدني جدا نايمن علي الكراسي
ورفع رجلي علي مخدات عاليه وغطوني وطمني جدااا وقال للدكاتره الي معاه احتمال ولاده مبكره
ضغطي علي ونبضي شبه وقف من النزيف طلب مني تنفس سريع وقالي عشان ابنك عرفت سعتها ان ابني هيموت
ده اصلا انا بموت فضلت اوحد الله كتير ..كابتن الطياره طلب ينزلني في القصيم
الدكتور موفقش تخيلو انزل بلد لفيها جوزي ولا فيها اهلي عشان اموت انا وابني غريبه
جوزي كان مصمم اولد في مصر بكيت وقولت لهولد لمعاك ولا في بلدي
فضلت انزف لحد ما الطياره وصلت مصر الناس كلمو اهلي ونزلوني بالاسعاف
اهلي كانو بيموتو بره وهما بيندهو عليهم بالمطار يجو يستلمو الشنط عشان بنتهم
اتحولت عالمستشفي الزفت هيلوبلس فضلو يدورو عليه 3 سعات في المطار وانا مرميه في عربيه الاسعاف بموت
مستنين الاجراءت تخلص عشان يلعوني بدون تفتيش
المضيفه خلصت الاجراءت بعدها بساعتين وانا بموت وبنزف جوه واهلي بيموتو بره
وجوزي عرف وكلمني بيموت هوه كمان هناك محدش عارف يعمل حاجه واخيرا الاجراءت خلصت
والاسعاف قابل اهلي وجبهم معايا مش هقدر اوصف منظرهم ولا منظري
اتحولت عالمستشفي وروحت لقيت الرحم بفتح ونسبه زلال عاليه جدا وجسمي بورم كل دقيقه
ونبض ابني بيروح والمايه نزلت 4 سنتي
رغم اني طالعه من الرياض كويسه جدااااااااااااا
واخيراا النزيف توقف وقررو يحجزوني بالمستشفي الزفت دي
رفضت وطلبت اروح بعدها بلدي جمب الزقازيق قالولي علي مسئوليتك ووفقت
وانا بنزل من ترولي الاسعاف اتقلب بيه علي الارض سندوني
وروحت في عربيه والدي ونيمت الكرسي ومقدرش اوصف كميت التليفونات اهلي وجوزي
واخواتي وعماتي وخلاتي واهل جوزي وولادهم كلهم وانا اصلا بموت هرد اقول ايه
حجزت عن الدكتور هنا وروحتلو اول موصلت رفض يعالجني وزعقلي انتي ازاي نزلتي كده
قولتلو ابني مبقاش حواليه مايه قالي انتي بتدوري عليه دوري علي نفسك عرفت اني بموت انا وهوه
وفهمته اني طالعه من الرياض كويسه قالي لازم تتحولي علي مستشفي وقالي لازم تتحجزي
طبعا اتعرضت لحادث بالعربيه وانا راحه بس ربنا سترها
روحت مستشفي خاص بالزقازيق عملولي الازم وتابعو النبض لقوه بيتحسن الحمد لله
وضغطي كان 110 علي 170
بدء يتحسن هوه كمان المستشفي كان فيها عنايه فائقه عطوني حقنه الرئه وحقنه النزيف ومحاليل
وغيرو
تاني يوم الصبح كشفو النبض لقوه اتحسن والصدمه المايه لقتها عدت 8 اتحسنت جداا بفضل الله
الدكتور رفض يديني حقنه الرئه التانيه وعطاني حقن النزيف بس وقال ممكن تخرج
وكتب شويه حجات تتابع في البيت زي الضغط والمايه والنزيف اخد بالي منهم
وحركه الطفل اتابعها
وروحت الحمد لله امبارح شقتي وحاليا بيجيلي دكتور صاحي جوزي عشان يتابعلي
طلبو مني ارجع تاني يوم الثلات عشان يشوفو هحتاج حقن رئه تاني ولا لا
وهيبقا اول التاسع بامر الله او يولدوني بظروفها
طبعا انا حاليا بموت ابني تقريبا حركته قلت جداااا وانا ضغطي عالي ونايمه علي ظهري
ومعرفش ربنا هيعمل ايه بس كل الي بتمناه منكم دعوه ربنا يجبلي ابني بالسلامه واخف انا كمان
نفسي افرح بيه واشيلو بين ايديا ده حلم حياتي
ورساله بجد لكل بنت عايزه تعمل زيي بلاش بجد ارجوكي انتي متعرفيش هتصيب ولا هتخيب
متضيعيش عمرك انتي وضناكي مقابل تجربه مش محسومه
انا وجوزي واهلنا بنبكي وبنقول يارتنا
انا كنت زي الحصان وفي لحظه كنت هضيع انا وابني ومازلت معرفش ايه الي هيجرالنا
ادعولي يبنات وبلاش مجازفه الضنا غالي اوي ومش هتحسيها غير لو حصلك لقدر الله حاجه صعبه
ادعولي ربنا يجبهولي سليم معافا ومدش يارب يشوفو الي شوفتو واليومين دول يعدو عالخير
سموره قلب محمد سموره قلب محمد 618249_4.gif فتكات رائعة Fatakat 618249 الرياض – السعوديه