اذيكم يا احلا فتوكات موضوعى النهارده للمستجدات وطريقه السمك المشوى ورز البصل والكارى وسلطه الطحينه باسهل ما يمكن بسم الله نبدء بــ شوى السمك طبعا هتختارى السمك الحجم اللى تحبيه وبتغسليه كويس وتسبيه يتصفى
و تحضرى الدقه اللى هى (( توم+ فلفل أخضر +1 طماطم مبشوره +ملح وكمون + عصير لمون اوخل ))
تدقى الفلفل والتوم مع الملح والكمون وبعدين تضيفى الطماطم واللمون ومعلقتين زيت ونص كوبايه ميه وتقلبى كويس وتظبطى الملح وده شكلها
تجيبى السمك وتقلبيه ف الرده م الناحيتين وبعدين ترصيه ع صاجه الشوى كده (ممكن تستخدمى طاسه تيفال
وتقلبيه ع الناحيه التانيه اول م ياخد اللون ده وتحسى انه استوى وتوقفيه بالشكل ده دقيقتين عشان يستوى كويس
واول م يستوى م الناحيتين تطلعيه ع الدقه يتبل كويس وتطلعيه ف طبق لحد م يبردويينزل الميه الزياده وترصيه ف طبق التقديم كده
ومعلقتين الزيت اللى حطيناهم ع الدقه بيخلوا القشره م تلزقش ف السمك ويتقشر بسهوله كده
الرز بتعمليه والسمك بيتشوى عشان الاكل يخلص كله ف وقت واحد بتحمرى بصله كويس مع ورقتين لورا لحد م يبقى لونها كده
تقومى ضايفه معلقتين كركم وتسبيه يتحمر ف البصله ثوانى
وتضيفى الرز وملح وكمون وتسبيه يتشوح 3 دقايق وبعدين تضيفى الميه ( ومعيار الميه المظبوط مقياسه كده تحطى معلقه ف النص والميه لازم تغطى الجذء السفلى فيها زى م هو باين )
واول م يتشرب الميه تفتحى م النص بالراحه وتحطى معلقه توم مفروم وتهدى النار وتسبيه يكمل سوا
وده الشكل الاخير له
نيجى بقا لسلطه الطحينه ودى م فيش اسهل ولا اسرع ولا اوفر منها ف ربع كوب ميه دافيه هندوب معلقه كبيره دقيق كده
وبعدين نصبهم ف طبق ونضيف عليهم 3 معالق كبيره طحينه وتقلبيهم كويس لحد م يندمجوا سوا
وتضيفى معلقه توم مفروم + ملح وكمون +عصير 2لمونه +معلقه ص شطه +معلقه ك زيت وتقلبيهم كويس
وف الاخر تضيفى معلقه بقدونس وتصبيها ف طبق التقديم ( ولو حبيتى تخففيها ممكن تزودى معلقتين لبن او ميه )وده شكلها النوهائى
يارب الموضوع يفيدكم ويعجبكم وتانى وتالت وعاشر ياريت دعوة حلوة بظهر الغيب ربنا يكرمنى ويرزقنى الزوج الصالح انا وبنات المسلمين جميعا مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt