وصفة النهاردة هي لقمة القاضي او الزلابية او زي ما بيسموها دول الخليج العوامات
هي صنف حلو وبسيط وسهل وديما بيلقي موجود علي المائدة الرمضانية بالذات
مين فينا مش بيحب ياخد طبق ويقزقز فيه بعد صلاة التراويح
ندخل علي المفيد
المقادير
2 كوب دقيق
معلقة كبيرة خميرة
معلقة كبيرة نشا
معلقة كبيرة سكر
رشة ملح
3معالق زيت
ماء دافي للعجن
للشربات
2ونصف كوب سكر
كوب ماء
معلقة عسل جلوكوز
بنجهز الشربات ونسيبيه يبرد
ده الدقيق
دي بقية المكونات الجافة
بنخلط كله مع بعض ونضيف الزيت والميه الدافية
عجينة لقمة القاضي بتبقي زي الطحينة كده قوامها ولا سايل ولا سميك
نغطيها ونسيبيها تخمر
بعد ما تخمرها نهبطها ونبتد ي نشتغل فيها
نيجي للقلي
انا عملت طريقة تسهل عليكي القلي وخصوصا لو بتعملي كمية كبيرة
طبعا كلنا عارفين الطريقة التقليدية
ناخد عجين باليد الشمال وبالايد اليمين وبمعلقة صغيرة نشكلها
انا حطيت العجينة جوه كيس وقصيت طرفه
اقلي في زيت غزير متوسط مش سخن اوي
نصفيها من الزيت ونحطها في الشربات وهي سخنة علشان تشرب منه وممكن استخدام السكر البودرة وتقدم
ومن جوه لازم يبقي قلبها فاضي وبتقرمش من بره
انا فتحت واحدة تشوفوها
يارب الموضو يكون عجبكم وافادتكم ولو بمعلومة بسيطة
مع تحياتي
مواضيع هذا القسم برعاية
فتاة المهمات الصعبة فتاة المهمات الصعبة 190913_14.gif Fatakat 190913 الرياض – السعودية