المخشى الفلسطينى الروعه
الكوسه
1كيلو كوسه
ربع كيلو مفروم لعمل العصاج
علبه طحينه ربع كيلو
5لمون
الطريقه
قورى الكوسه واقليها فى الزيت
سيبيها تبرد
جهزى العصاج واحشى الكوسه بالعصاج
هاتى طبق واعصرى ال5لمونات ودوبيها بالطحين
وضيفى شويه ميا عليها
رصصى الكوسه عى الحله وضيفى عليها الخلطه
وشويه ملح وفلفل اسمر لحد ما تستوى
…………حتتقل وحتبقى الكوسه والصوص محدق وروووووووووووعه والله حتعجبك.
البطاطس
1كيلو بطاطس
ربع مفروم للعصاج
2كوب عصير طماطم
الطريقه
قورى البطاطس واقليها وسيبيها تبرد
احشيها بالعصاج
هاتى حله وحطى فيها بصله مبشوره صفريها شويه بالسمنه
حطى عصير الطماطم وسيبيها تغلى شويه لان البطاطس مش بتاخد سوى كتير
وبعدين نزلى البطاطس بالراحه مع الملح والفلفل الاسود وممكن تضيفى شويه شوربه.
وبالف هنا واسمها ليه مخشى
بحرف الخه مش عارفه بس
تجنن بجد
التقييم بالله عليكم مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره