السلام عليكم يا فتوكات
ازيكم انا اسمي شيراز وانا طباخة اكل بيتي وكنت عاوزة اعمل حلويات بالحاجات بتاعة رمضان يعني الزبيب والقراصيا والمشمش والمكسرات الحلوة دي فلقيت كيكه جميلة لمنال العالم وعملتها وطلعت تحفة فقلت لازم فتوكات تعرفها
المقادير
نصف كوب زبيب
نصف كوب اراصيا مفروم
نصف كوب مشمش مفروم
هي كاتبه كوب قشر حمضيات مجفف بس ده مش عندنا انا استبدلته ببشر برتقال او ليمون وطلع جميل
نصف كوب لوز متقشر مجروش
ربع كوب بندق مقشر مجروش
3 كوب دقيق الكيك
معلقه ونصف بيكنج باودر
رشه بيكربوناتو
رشه ملح
نص معلقه صغيرة قرفه
نص معلقه صغيرة حبهان بودر
نص معلقة صغيره زنجبيل بودر
1 كوب زبده
1 كوب سكر
5 بيض كبير
نصف كوب لبن
ربع كوب عصير برتقال
الطريقة
اولا تحضري المكسرات وتقطعي القراصيا والمشمش مكعبات صغيره شويه وتحطيهم في بوله
تضيفي عليهم الدقيق وتنخليه طبعا والبيكنج بودر والبهارات كلها والبكربوناتو ورشه الملح وتقلبي كل ده كويس
وفي بوله تانيه تضربي الزبده والسكر لحد ما تنعم اوي
بعدها تضيفي البيض بيضه بيضة والفانليا طبعا وتضربي كويس لحد ما يعلي القوام
تضيفي اللبن وعصير البرتقال وتضربي
واخيرا تضيفي خليط الدقيق والمكسرات كله وتضربي ضربتين كده وخلاص
تدهني صنيه كبيرة لان الكميه كتيرة وتحطيهم في الفرن درجه حرارة 175 لمده 45 دقيقة و تسبيها براحتها خالص ومتفتحيش عليها وبالهنا والشفا
مواضيع هذا القسم برعاية
catren catren 133097_1.gif فتكات نشيطة Fatakat 133097 الدقهلية – مصر
