ازيكم يافتوكاتى
عملت النهرده كيك فراوله للشيف يسري
وطلع خطير
هش جدا جدا واحلي من الجاتوة
والكيك سهله جدا جدا
انا عملتها في صينيه 24
ودى المقادير والطريقه
مقادير الفراوله
حوالي نص كيلو فراوله مقطع
ملعقتين زبده
ونص كوباية سكر بس انا قللته
انزلي بالزبده وعليها السكر يصفر شويه
انزلي عليه بالفراوله
والفراوله تستوى كده بسيط
وتنزل صوص
اطفي عليها
4 بيضات تضربيهم شويه
وبعد كده حطى عليهم الفانليا
وضيفيلهم كوباية سكر واضربي لغاية مايتقلو
وضيفلهم نص كوباية زيت
واضربي كمان
وضيفي كوبايتين دقيق ومعاهم باكو بيكينج بودر علي 3 دفعات
وقلبي بالراحه
هتجيبي الصينيه
وتبطنيها بالسمن والدقيق
او سمن وورق زبده
وتحطى الفراوله
وبعدهم خليط الكيك
والفرن تكون سخنه
وشغليها علي 180
هتاخد معاكى 40 دقيقه تقريبا
ودى المقادير والطريقه
للشيف المبدع دايما
يارب تعجبكم يافتوكات
وتجربوها كمان
وعاوزة منكم ردود
وتقييم كمان
مواضيع هذا القسم برعاية
remosh remosh 32551_63.gif امبراطورة فتكات Fatakat 32551 فتكات رموشي محاوطاه وعيونى عاشقاه – مدونة فتكات