ازيكو يا بنات
عاملين ايه
انا النهارده عملالكم موضوع بسيط بس ظريف اوى وبالنسبالى حللى مشكله عويصه هههههههههه
لانى استحاله اكل الفراخ لما بتكون بايته
وطبعا اغلبيتكم زيى كده صح ؟ هههههههههههه
والوصفه دى تنفع طبعا مع اى فراخ
سواء مشويه بايته او مسلوقه وبايته برضه
طيب يلا ندخل على الطريقه
انا اول حاجه جيبت الفراخ البايته عندى وقومت مقطعاها قطع صغيره كده زى ما انتوا شايفين كده
وبعدين قومت فرماها فى الكبه وطلعتلى بالمنظر ده وعلى فكره ممكن تفرمى معاها اى طعم انتى تحبيه
فلفل مثلا او طمطمايه او بقدونس
او زتون اوى اىحاجه يعنى حسب ذوقك انتى وحسب اللى يناسب اسرتك
وطبعا زى ما انتوا شايفين كده هى مفلفله اوى ومينفعش اعمل بيها اى اشكال او اعملها اقراص مثلا
لانى مش هعرف اتحكم فيها
فاضطريت اضيفلها سائل عشان اعملها عجينه متماسكه واقدر اتحكم فيها
فضيفتلها بيض
ولو الكميه اكبر هتضيفى بيض اكتر
يعنى
البيض بيبقى حسب الكميه بتاعه الفراخ
وادى شكل عجينه الفراخ بعد ما عجنتها ههههههههه
اصل انا بموت فى العجين هههههههههه
وبعدين هنا قومت عملاها على شكل اقراص لانى كنت مستعجله
لكن لو كنت فاضيه كنت ممكن اعملها على شكل قلوب ونجوم
اواى اشكال يعنى
وبتبقى شكلها تحففففففه ومحبب اوى لاطفالك
وبعدين جيبت دقيق وبيض وبقسماط
وبهرت البيض كويس
وقومت حطه الاقراص فى الدقيق وبعدين البيض وبعدين البقسماط
ودى شكلها النهائى قبل ما احمرها فى الزيت
وهنا كانت بتتقلى على نار الشوق هههههههه
طيب يلا بقى نروح لمنظرها النهائى ويارب تعجبكم وتقيمونى
اسيبكم بقى مع الصور
ما شاء الله كانت منفوخه اوىىىىىىىىى وهشه وطريه جدا
مش قادره اوصفلكم طعامتها
بجد كانت حلوه اوى وعجبت ماما واخواتى جدا
خدى التقييم وانتى نازله عالسلالم يا عروسه ماشاء الله عليكى هههههههههه
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر