ازيكم يا فتوكات ويارب تكونوا بصحة وبخير بمناسبة شم النسيم حبيت اقولكم علي طرق عمل التسالي بتاعته لو تحبوا تعملوها ابتدوا العمايل بدري قبلها باسبوع اولا الترمس حتجيبي ترمي بدلي علشان افيد تنقيه وتغسليه حلو وتبيتيه ليله فالماء وتاني يوم تغيري الميه وتحطي ميه نظيفة وتغليه علي النار بعد ما يغلي حبه حلوين بتاع ربع ساعة شليه وسبيه يبرد وبعد كده يريلة الميه اربع تيام تغيريله ميته صبح وليل وممكن تسبيه تحت الحنفية شويه بعد كده لولقتيه لسه ناشف او مرارته جامده اغليه مرة كمان وتفضلي تغيريلة ميته فاليوم السادس دوقيه لقتيه استوي حدقيه حسب الرغبة نيجي للفول المقيلي حتجيبي فول من عند العطار تنقيه وتغسليه وتسبيه فالماء لتاني يوم وبعد كده تغيريله ميته صبح وليل لغايه ما ينبت اول ما ينبت شليه من الماء علشان يفتح ويطلع الجدز بعد كده تجيبي صنيه كبيرة وتحطيها علي النار اول ما تسخن حطي فيها الفول وافضلي قلبي لغايه ما ينشف من الميه ويبتدي يستوي معلش حياخد وقت لاننا حنوطي النار علشان ميتحرقش عايزة تحطيه فالفرن براحتك بس كل شويه تقلبيه اول ما يستوي حتحطي عليه وهوه علي النار نص كوب ماء وشطة وكمون وملح يغلي غلوه اطفي عليه واعصري عليه لمون نيجي للحلبه برضه حتنقيها وحتغسليها وتحطيها فالما لغايه ماتنبت اول ما تنبت شليها من الميه وتحطيها في مصفة وتغطيها بشاشه مبلوله وصبح وليل تندي الشاشه حتلاقيه نبت وبقي زي الفل اخر حاجة الحمص برضه ننقيه ونغسله وده حيتعمل يوم ما حناكله حنغلي ميه عليها بصله وثوم وشطه وكمون ونحط عليها الحمص ونسيبه يغلي لغايه ما يستوي اول ما يستوي نحط الملح ونطفي عليه الحبه اللي حتخديهم حتعصري عليهم لمون ورشه شطة وكمون وبالف هنا وشفا ويارب اكون عرفت اوصل المعلومة واي سؤال انا فالخدمه مع السلامة
مواضيع هذا القسم برعاية
شيراز1990 شيراز1990 836173_1.gif فتكات رائعة Fatakat 836173 مدينه المستقبل الجميل – مصر
سبحان الله و بحمده