**بصوا يافتوكات الوصفة ديه مش بس حتعجبكم بجد حتاكلوا صوابعكم وراها**
**المكونات :
1) جمبرى مسلوق بأى حجم
2)أعشاب خضرا طازة ( بقدونس _كسبرة _شبت )
3)بهارات (ملح _فلفل _كمون _بهارات لحمة _كركم _كارى _زعتر _بدرقوش)وطبعا يابنات حسب الرغبة والذوق
4)بيضة أو 2 حسب الكمية للتماسك
5)كمية قليلة من خليط الدقيق والبقسماط للتماسك والقرمشة
6)كمية من الزبادى ممكن تكون زبدية صغيرة حسب الكمية عشان تكون طرية
7)كمية من البصل (1) والتوم (5) المفروم تقريبا أو حسب تقديرك للكمية
ونحط كل الخليط فى الكبة ونخلطه لغاية ما يتماسك ذى عجينة سلسة سهلة التشكيل مش سيحة ولا جامدة متوسطة ، وبعدين نحضر المقلاية على نار عالية ويفضل تكون غويطة ونحط فيها كمية وفيرة من الزيت ولما يوصل للغليان نهدى النار شوية عشان ما تكنش حامية وتحمر من بره بس وتكون مش مستوية من جوه وبعد كده ناخد كمية معقولة من الخليط بمعلقة ونحطه فى الزيت بالمعلقة التانية لحد ما ياخد اللون الدهبى نخرجه على منديل عشان يتشرب الزيت الزيادة وصحة وهنا ويارب يعجبكم مواضيع هذا القسم برعاية
mony gado mony gado 446501_3.gif فتكات حبوبة Fatakat 446501 بورسعيد – مصر
سبحان الله و بحمده