ازيكم يا بنات عاملين ايه
يارب كل واحده تقرا الموضوع تكون بخير وربنا يسعد قلبها ويفرحها ويفرحني يارب
المهم انا اديلي فتره تعبت عماله ادور ع عجينه كريب تكون مضبوطه بصراحه الفتوكات هنا اوفوا يعني في الاخر مكوناته واحده بس المقادير بقى صراحه هي اللي تخنق وتلغبط >
المهم لنجاح الكريب وعاوزاه مقرمش دي تكايه مني مش موجوده الصراحه في كتير من المواضيع وهي السكر
معلقه السكر الصغيره دي بتفرق جامد وتخليه يقرمش معاكي وشويه مياه حتى لو صغيره بردو هتفرق بدل ما يكون حليب فقط وكمان العجينه متكونش تقيله زي القطايف ولا خفيفه اوي ..يعني وسط تنزل بسرعه وهي بتتصب مثلا ع تتفرد بسرعه في الصينيه في مرحلة التسويه
وصفة الكريب
المقادير
2 بيضه صغيره
2 معلقة سكر صغيره
ربع معلقه صغيره ملح
ربع معلقه فلفل اسود او ابيض
كوب وربع حليب
كوب وربع ماء
2 كوب ونصف دقيق
من الاخر مقدار السائل = مقدار الدقيق
معلقه كبيره زيت
ملحوظه هامه في دقيق يحتاج مياه كتير .ودقيق نوعه لا ,حسب الرطوبه اللي جواه فلو المقدار طلع خفيف جدااااا زودي يجي نص كوب كمان دقيق
الطريقه
بسم الله الرحمن الرحيم
نجيب خلاط او كتشن ماشين او كبه مدوره واسعه زي بتاع البصل
نبدأ ب 2 بيضه و2معلقه سكر صغيره وربع معلقه ملح وربع معلقه فلفل اسود اول ضربه في الخلاط
بعد كده ننزل بالحليب والماء ونضرب تاني بضمير كويس
ع فكره المياه مكان اللبن ههههههه
وبعد كده معلقه كبيره زيت ونضرررررررررررررررررررررررب تااااااااااااني كمان في الخلاط
هتلاقي فقاقيع
هتنزلي بالدقيق على مراحل ع ميعفرش معاكي وتبهدلي الدنيا
ونفضل نضرب في الخلاط بردووووووووووو كتير يعني بضمـــــــــير صاحي
نكون مجهزين صينيه تيفال ع متلزقش العجينه وتدهنيها بمنديل به زيت يعني مره اه ومره لا حسب ما تفتكري دهن الزيت بس بسيط جدااااااااااااااا …
ونبدأ نصب العجينه في طاسه دافيه ونبرمها بسرعها ع تتفرد والعجينه وهي خفيفه بصراحه اكتشفنا انها اسهل في الفرد وهتطلع مقرمشه
ونعمل ونركن فوق بعض
عشان يبرد ونبدأ تاني مرحله اللي هي التحميص في طريقتين ياه تحمصيها في الطاسه من فوق وانتي بتلفيها بالحشوه او تلفيهم كلهم وع الفرن يقرمشوا كلهم سوااا رغم ان ده اسهل في حالات العزومات لكن الافضل واللي يطلع مقرمش في جميع الطبقات انه يتعمل من فوق ع النار في الصينيه زي المحلات
هنا لفيت
رصيت
بعد ماطلعوا من الفرن
نحشيه اي حاجه مع خضروات بصل طماطم فلفل رومي وممكن نضيف جبنه رومي وموتزاريلا ان امكن
وطبعا كاتشب ومايونيز ومسترده للي بيحبهم او اي صوص اخر
هنا صور للف عشوائي
ومعاهم برجر او سوسيس او شاورما فراخ او تونه او جبنه رومي بس او لحمه مفرومه معصجه بطماطم او اي شئ يروق لكي
ولو عاوزاه الحشوه شيكولاته وموز مثلا يبقى بدل الفلفل الاسود في العجينه تحطي باكت فانيليا
مواضيع هذا القسم برعاية
افراح القلب افراح القلب 465695_8.gif فتكات رائعة Fatakat 465695 lllllllllllllll – مصر ام الدنيا