السلام عليكم يا فتوكاتى
بما اننى بقيت من مدمنات هذا الصوص الرائع الا وهو الدمى جلاس
ده تالت موضوع اقدمهولكم بالصوص ده وبتعمل منه عدد لا نهائى من الاطباق
بعد كبده افراخ بالدمى جلاسى
والستيك بالدمى جلاس
انهارده هقدم لكم كرات اللحم بالدمى جلاس ومعاها مكرونه peny او اقلام
وجاتلى الفكره قلت بدل كفته داووود باشا اعملها بالصوص
وكانت روعه تعتبر اختراعى
يعنى حقوق الملكيه الفكريه محفوظه ليا ولمدونة فتكات ههههههههههه
نبدأ بسم الله
نص كيلو لحم مفروم
بصله مبشوره رفيع
معلقه توم مفروم
بقدونس مفروم
توابل ملح وفلفل وبهارات وزعتر وزنجبيل واى توابل تفضليها
معلقتين مسترده
معلقتين دمى جلاس باودر مدوبين فى نص كوب مايه
نص كوب كريمه لبانى او قشطه
معلقتين زيت
مكرونه اقلام مسلوق
الطريقه
هنخلط اللحم المفروم مع البصل والتوم والبقدونس والبهارات ونخلطهم كويس اووى ونشكلهم كرات صغيره
هنحمرهم فى شويه زيت لغايه ما مسامهم تتقفل وتمسك الكفته نفسها ونطلعاها عاى فوط مطبخ لامتصاص الزيت الزايد
هنحط طاسه على النار ومعاها معلقه الزيت ونرجع اللحمه تانى تسخن شويه
وبعدين ننزل عليها بالصوص الدمى جلاس وده شكله الاول
واما تغلى شويه ننزل بالمسترده
نسيبها تغلى غلوة
واخر حاجه الكريمه او القشطه
نكون سلقنا المكرونها عادى
وكده يكون طبقنا جاهز
حطيت معاها كاتشاب
وطبعا الصوص ده بيبقى على المكرونه بجد واوووووووو
اقرب شايفين الجمال
وعجبت جوزى اووى وكل شويه اقوله اختراعى لما حس انه قاعد مع عبقرينو هههههه
يا رب تكون عجبتكم وتجربوها
وكل سنه وانتم طيبيين اللهم بلغنا رمضان وبارك لنا فيه
ومتنسوش التقييم وطبعا ردودكم وكلامكم اهم
اموااااااااااااااااااه
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى