السلام عليكم و رحمة الله و بركاته
ازيكم يا فتوكاتي
بس جميلة فعلا عاملة زي أكل المطاعم
الفراخ بدمس الرمان و الفلفل الأحمر
المقادير :
صدور بانية
فلفل أحمر
معلقة كمون
بصلة مقطعة سلايس "دواير يعني "
ملح – كاتشب حراق – مستردة – كركم – جنزبيل- دبس رمان – صويا صوص – بابريكا – توابل فراخ
الطريقة:
بعد غسل صدور الفراخ جيدا
هننقعها في الخلطة دي
– كمون- ملح-كركم-بابريكا-كاتشب حراق-مستردة و مانكترش عشان ماتملحش أوي – دبس رمان – صويا صوص – توابل فراخ
نسخن الحلة اللي هنعمل فيها الأكل بالزيت و نحط شرايح البصل و نقلبه و نسيبه ما يدبلش دي حاجة مهمة
الزيت هيكون سخن أوي فناخد الفراخ المتبلة و تتصعق بالحرارة العالية فهتحافظ على تتبيلتها و لونها الجميل و ننزل باقي الصوص ع الفراخ و نزود كوباية ماية عشان الفراخ تسساب شوية
و نسيب الصوص بقى يتقل ع النار قبل ما تطلعيها ب 10 دقايق قطعي الفلفل الأحمر بتاعك شرايح بالطول و نزليه ع الفراخ و قلبي كويس
الميزة ان الصوص لما يتقل هيفصل عن الزيت فممكن ترمي الزيت و تقللي الكالوريز اللي في الأكل
و قدميها مع رز بالكاري – انا ماكترتش الكاري عشان الأكلة متحبشة أوي –
و بالهنا و الشفا مواضيع هذا القسم برعاية
Nour11011 Nour11011 images/avatars/orangeflower.gif فتكات رائعة Fatakat 726229 القاهرة – مصر